1 Yoane 3:2 - Amazwi Yakwe Leza 2013

² Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

1 Yoane 3:2 ပူးပေါင်းရင်းမြစ်များ

Yobo 19:26

Nanti ningasila insyale amafupa yatupu, namanya ukuti lino ndakatuka wene alampalamika kunoli. Alino lyene ndalola Leza nu mwili wane kwene.

Masamu 16:11

Uwandanga inzila zyakuntwala ku umi, nga nani ndazanga cuze lino wemo waya pipi nani. Ulandetela isyuko ilyakunzanzya, amanda pe.

Masamu 17:15

Lelo nemo umu ulungami wane, ndiza nkulole. Lino ndakatuka ndiza ndole icata cako, nupya ndaya nu luzango wakwe cimwi.

Masamu 31:19

Iye mwe, we Yawe vino usuma wako wakula, uno ukacitila yayo akukwatila icoopo! Ala kwene icakuzunguka uku muntu ali wensi, apakulola vino wemo ukacitila yao akutaila, yano yakaiza umu kuzina kunuli.

Ezaya 56:5

lyene ndamupeela icintu cimwi cizipisye ukuluta na pikwata lya ana aonsi na anaci. Akuli kuti nemo ndaleka amazina inu yakasyale mu ng'anda yane, yakasyale nu ku antu yane. Ali kuti yace yaiusya pee ukwaula kufutikwa.”

Malaki 3:2

Uzye aweni alaposya apa wanda uno wene alawela? Uzye aweni alimilila apa wanda uno wene alaloleka? Pasi pano wene alaya wa moto wakwe yasimusyanyi nanti wakwe sopo uwa muntu akufula.

Mateo 5:8

Alongo antu amyenzo iswepe. Pano yalalola Leza.

Luka 17:30

Avino cilaya pa wanda uno Mwana wa Muntu alaloleka

Luka 20:36

Pano yene yalakolana wa angeli, nupya yatangafwa. Yene ana yakwe Leza, pano yene yalazyukuka kufuma ku afwe.

Yoane 1:12

Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Yoane 17:24

“Tata! Wayampela, nga nani nkasi kuti yaye nani kunondi, kuti yangalola lulumbi lwane luno wampile. Pano wemo wantemilwe lino insi itali icitwe.

Loma 8:16

Mupasi wakwe Leza akatulenga kuti cumi tuye sweswe ana yakwe Leza.

Loma 8:18

Nemo nasininkizya ukuti amacuzi yano tukucula ndakai yataine nu lulumbi ululapelwa kunotuli inkolelo.

Loma 8:19

Pano uumbo onsi ukalolela kasita kano Leza alasokolola ana yakwe.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

1 Kolinto 15:49

Wakwe vino twakolana na Adamu, wino uwaumvilwe kufuma kwi vu, vivyo kwene tulakolana na Klistu, wino uwafumile kwiyulu.

1 Kolinto 2:9

Lelo cili ndi vino calembwa mu malembelo cati, “Cintu cino umuntu ataweni nanti kuvwa, cintu cino umuntu atatazile aelenganye ukuti cingacitika, cili cintu cino Leza wateyanyizizya yao amutemwa.”

2 Kolinto 3:18

Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Galatiya 4:6

Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”

Filipi 3:21

Wene alasenula mili itu itonte iyakufwa kuti ikolane nu mwili wakwe uwalulumbi. Wene alacita cii pa kuomvya maka yano wakwata akucimvya vintu vyonsi.

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

2 Petulo 1:4

Mu musango uu, wene watupeela upolelelo ukulu cuze uwamutengo ukome, uno walavile. Wene wacisile cii pakuti mutuulwe ku mbunu zyamu nsi zino zikaonona, nga lyene mukumeko ku mwata wakwe Leza.

1 Yoane 2:28

Endi, mwe ana mwe ikalini mu utandano na aliwe, pakuti lino alaloleka swemo tuce tupame kwaula kuya ni nsonyi pa Wanda wa kwiza kwakwe nupya.

1 Yoane 2:7

Mwe yacuza yane akundwe, ntakumulembela isunde lipya. Lelo nkumulembela isunde lyampiti lino mwapilwe pa kutandika. Isunde lyampiti amazwi yano muvwa mpiti.

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.

1 Yoane 3:10

Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

1 Yoane 3:21

Acino mwe yacuza akundwe, yakampingu itu ndi yasyakutuvunuka, lyene tulaya aposye pa manso yakwe Leza.

1 Yoane 5:1

Wino wensi uwataila ukuti Yesu a Katuula Uwalavilwe wene umwana wakwe Leza. Na wino wensi uwatemwa mukwasi wene watemwa nu Mwana kwene.

Umbwilo 2:28

Nupya ndayapeela namukokola.

Umbwilo 22:4

Yene yalalola cinso cakwe, ni zina lyakwe lilalembwa pa mausyu yao.