1 Yoane 3:10 - Amazwi Yakwe Leza 2013

¹⁰ Uu uli upusano apaswe, uwaya pakasi ka ana yakwe Leza nga na ana yakwe Ciwa. Muntu wensi asyacita visuma nanti kutemwa mwina wakwe wene asi mwana wakwe Leza.

1 Yoane 3:10 ပူးပေါင်းရင်းမြစ်များ

2 Samueli 13:22

Abusalomu apata Amunoni sana pa kwifya kuno wene wifizye kuli Tamala kaci wakwe, cakuti atalondanga nu kuvwanga na Amunoni

Mateo 13:38

Calo cikwimilila insi. Imbezu zisuma zikwimilila antu amu Wene. Kalolo nawe akwimilila antu ya mwanisi wakwe Leza.

Luka 6:35

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Yoane 1:12

Lelo yamwi, yano amuzengile nu kutaila munoli, yene wayapile nsambu yakuti yaye ana yakwe Leza.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Yoane 8:47

Muntu wakwe Leza akauvwa mazwi yakwe Leza. Mwemo musi yakwe Leza, na pamulandu kwene uu acino musyakuvwila.”

Milimo 13:10

“We mwana wakwe Ciwa! Wewe mwanisi wa wololoke. Mwenzo wako wazulamo misango yonsi ya micitile yankota. Uzye alilaci lino ulata kutumpwila vyawololoke vya Mwene?

Loma 13:8

Mutaya na nkongole ku muntu ali wensi suka sile kutemwana. Pano wino wensi uwatemwa umuze ala wayela vyalembwa mu mpapulo zyakwe Mose.

Efeso 5:1

Endi, pano mwemwe ana yakundwe yakwe Leza, mwaezya kukolana na aliwe.

Kolose 3:14

Na pa vintu vii vyonsi mulundepo ukutemwa kukakundanya vintu vyonsi pamwi mukulemana kumalilike.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

1 Yoane 2:29

Ndi mwamanya ukuti Klistu akacita vyaololoke, lyene mutatwisika ukuti umuntu akacita vyaololoke umwana wakwe Leza.

1 Yoane 3:1

Elenganyini vino Tata watutemwa! Kutemwa kwakwe ukukulu cuze cakuti swemo twaamwa ana yakwe. Nu mu cumi avino tuli. Uu uli mulandu uno amu nsi yatatumanya, pano yene yatamanya Leza.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

1 Yoane 4:21

Ilamulo lino Klistu watupeela likati wino wensi uwatemwa Leza wene alinzile kutemwa nu mwina wakwe kwene.

1 Yoane 4:6

Lelo swemo sweswe yakwe Leza. Wino wensi uwamanya Leza wene akauvwa kunotuli. Wino wensi asi wakwe Leza wene asyauvwa kunotuli. Vii avino tungalanda upusano uwaya pakasi ka Mupasi ukalanda icumi nga nu mupasi ukalanda intumpu.

1 Yoane 4:8

Muntu asyatemwa auze wene atamanya Leza, pano Leza ukutemwa.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

1 Yoane 5:2

Muli cii twamanya ukuti twatemwa ana yakwe Leza, lino twatemwa Leza nu kuyela masunde yakwe.

3 Yoane 1:11

We mukundwe utezya kuya namalolela ya vintu viipe. Lelo uye namalolela ya vintu visuma. Wino akacita visuma wene uwakwe Leza. Wino akacita viipe wene atatala walola Leza.