1 Yoane 2:7 - Amazwi Yakwe Leza 2013

⁷ Mwe yacuza yane akundwe, ntakumulembela isunde lipya. Lelo nkumulembela isunde lyampiti lino mwapilwe pa kutandika. Isunde lyampiti amazwi yano muvwa mpiti.

1 Yoane 2:7 ပူးပေါင်းရင်းမြစ်များ

Aina Levi 19:18

Utalandula uyi wa muntu umwi nanti kutwalilila kupata umuntu umwi. Lelo uwatemwa muzo ndi vino waitemwa. Nene indi Yawe.

Aina Levi 19:34

Mwayasunga ndi vino mukasunga aina Izlaeli yauzo. Nupya mwayatemwa ndi vino mwaitemwa mweisikulu. Mwaiusya vino mwali ainamasi mu mpanga ya Eguputo. Nene indi Yawe Leza winu.

Mateo 5:43

“Muuvwa vino cavwanzilwe ukuti, ‘Watemwa muzo, usoke mwanisi wako.’

Yoane 13:34

Ndakai namupeela isunde lipya lyakuti mwatemwana. Ndi vino nani namutemwa, avino namwe mulinzile kutemwana.

Milimo 17:19

Caleka yasenda Paulo yamutwala kwi tengo lyakulanzyanya ilya Aleopago, yamunena yati, “Tungatemwa kumanya pali vino ukusambilizya pano vikuvwika ivipya kunotuli.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Ayebulai 6:9

Mwe yacuza akundwe, nanti tukulanda mu musango uu, twati tusininkizya ukuti mwemo mukucita visuma vino antu yakacita vya kuyatungulula ku ufyusi.

1 Yoane 2:24

Lyene namwe lekini ilandwe lino muvwile kufuma ku utandiko likalilile mu myenzo inu. Vino muvwile kufuma ku utandiko ndi vikalilila mu myenzo inu namwe lyonsi kwene mulikala mu Mwana na muli Tata.

1 Yoane 3:11

Landwe lino muvwile kufuma ku utandiko likati mulinzile kutemwana.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

1 Yoane 3:21

Acino mwe yacuza akundwe, yakampingu itu ndi yasyakutuvunuka, lyene tulaya aposye pa manso yakwe Leza.

1 Yoane 3:23

Ilamulo lino watupeela ilyakuti tutaile mu Mwana wakwe Yesu Klistu nga nu kutemwana ndi vino Klistu watupile ilamulo.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

1 Yoane 4:11

Mwe yacuza akundwe, ndi Leza watutemilwe vivyo, catuzipila kuti naswe twatemwana.

1 Yoane 4:21

Ilamulo lino Klistu watupeela likati wino wensi uwatemwa Leza wene alinzile kutemwa nu mwina wakwe kwene.

1 Yoane 4:7

Mwe yacuza akundwe, lekini twatemwana pano ukutemwa kukafuma kuli Leza. Wino wensi akatemwa auze wene umwana wakwe Leza nupya wene wamanya Leza.