1 Yoane 2:27 - Amazwi Yakwe Leza 2013

²⁷ Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

1 Yoane 2:27 ပူးပေါင်းရင်းမြစ်များ

Mapinda 28:5

Antu akaifya yasitezya ivya ulungami. Lelo yayo akaopa Yawe alio yakatezya vyonsi.

Aina Levi 7:35

Cico kwene cili ciputulwa ca mawila akocela Yawe cino capezilwe kuli Aaloni na ana yakwe pa wanda uno yapasilwe amafuta nu kuyapaatula ukuya yasimapepo.

Mpendwa 7:43

Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

Yoane 14:17

Wene a Mupasi wa cumi, wino akasokolola cumi ca pali Leza. Antu atemwa sile vya nsi yatangamuzengela, pano yatangamulola nanti kumumanya. Lelo mwemo mwamumanya pano akaikala namwe, nupya amaikalanga munomuli.

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 6:45

Yakasema yalemvile yati, ‘Onsi yalasambiliziwa na Leza.’ Wino wensi akauvwa nu kusambilila kuli Tata wene akaiza kunondi.

1 Kolinto 2:12

Swemo tutapokelela mupasi uwafuma muno nsi. Lelo twapokelela Mupasi Wamuzilo kufuma kuli Leza, pakuti atwazwe tumanye vyonsi vino Leza watupela.

1 Kolinto 2:13

Caleka lyene, mazwi yonsi yano tukavwanga twasambiliziwe na Mupasi Wamuzilo, asi mano ya antu. Mupasi Wamuzilo kwene wii, aliwe akatwazwa kusambilizya vintu vya Mupasi ku antu ali nu Mupasi.

2 Kolinto 1:21

Caleka Leza akalenga mwemwe nani twimilile akomeleke muli Klistu. Leza aliwe kwene uwatusolwile

Efeso 4:21

Mwemo muvwa vya pali aliwe. Acino wa alondezi yakwe, mwemo mwasambiliziwe cumi icaya muli Klistu.

Kolose 2:6

Mwemo mwazumila Klistu kuya Mwene winu. Caleka twalililini ukwikalilila muli aliwe.

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.

1 Tesalonika 4:9

Citakulondekwa kumulembela pakutemwa kuno mwe muno mwataila mulinzile kutemwana. Mweisikulu Leza wamusambilizya vino mulinzile kutemwana.

1 Timoti 2:7

Acino wene wantumile kuya mutumwa nupya kasambilizya wa Akulukuwa, kuti nakosola ilandwe ilya kulenga antu yataile cumi. Nemo nsyakutumpoka. Lelo nkulanda cumi!

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

1 Yoane 2:28

Endi, mwe ana mwe ikalini mu utandano na aliwe, pakuti lino alaloleka swemo tuce tupame kwaula kuya ni nsonyi pa Wanda wa kwiza kwakwe nupya.

1 Yoane 3:24

Wino wensi akayela malamulo yakwe Leza wene wikala munoli, na Leza nawe wikala muli aliwe. Nupya twamanya ukuti Mupasi Wamuzilo wino watupeela wene ali cisininkizyo cakuti Leza wikala munotuli.

2 Yoane 1:2

pano icumi cili mu myenzo itu nupya cimayangamo manda pe.