1 Yoane 2:20 - Amazwi Yakwe Leza 2013

²⁰ Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Yoane 2:20 ပူးပေါင်းရင်းမြစ်များ

Masamu 16:10

Pano wemo utalansya mwi lindi, nanti kuleka muomvi wako umukundwe akalole ukuola.

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Masamu 45:7

Wemo watemwa ivintu ivilungame, wapata ivintu iviipe. Ali mulandu kwene uno Leza, uwaya Leza wako wakusolwile nu kukupelesya insansa izivule ukuluta apa yauzo.

Masamu 71:22

Nemo namakulumbanyizyanga umu viwaya, namakulumbanyanga we Leza wa cumi. Apa kangoma kane apano nemo namakwimbililanga inyimbo, wewe, we Wamuzilo uwa ina Izlaeli.

Masamu 92:10

Lelo nemo awewe wankomya, naya sile wa mbo. Wampolelela nu luzango.

Mapinda 28:5

Antu akaifya yasitezya ivya ulungami. Lelo yayo akaopa Yawe alio yakatezya vyonsi.

Ezaya 43:3

Pano nene indi Yawe, Leza wako. Nene Wamuzilo wakwe Izlaeli wilya, Katuula wako. Ndapeela Eguputo apa kukutuula. Ndapeela Kusyi na Seba umu cifulo cakwe wewe.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Aina Levi 7:35

Cico kwene cili ciputulwa ca mawila akocela Yawe cino capezilwe kuli Aaloni na ana yakwe pa wanda uno yapasilwe amafuta nu kuyapaatula ukuya yasimapepo.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Luka 4:34

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Yoane 16:13

Lelo lino Mupasi wa cumi aliza, wene alamutungulula ku cumi cakwe Leza consi. Pano atalaivwangila. Lelo vintu vyonsi vino alauvwa avino alavwanga, nga alamumanyisya ni vintu ivili nu kwiza.

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Milimo 3:14

Yesu wali uwamuzilo nupya mololoke, lelo mwemo mwamukanyile, nga mulenga Pilato kuti amusapwile inkomi mu cifulo cakwe.

1 Kolinto 2:15

Muntu wensi akweti Mupasi Wamuzilo, wene angapingula umpomvu wa vintu vyonsi. Lelo kusi umuntu wino angamupingula.

Ayebulai 1:9

Wemo watemwa ulungami wapata lufyengo. Caleka Leza, Leza wako, watakupaka na mafuta ya kuzanga kuluta auzo.”

Ayebulai 8:11

Kusi umwi uwa munoyali wino alasambilizya mwina mupalamano nanti kunena mwina wakwe ati, ‘Manya Leza.’ Pano yonsi kwene yalamanya kutandika pa munono kufika nu ku mukulu.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

1 Yoane 4:13

Twasininkizya ukuti tukaikala muli Leza nawe akaikala munotuli, pano wene watupeela Mupasi wakwe.

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.

Umbwilo 3:7

“Lemba ku ntunguluzi yakwi uvi ku Filadefia uti, “Lii ilandwe kufuma kuli wino uwamuzilo nupya uwa cumi. Wene akweti mfungulo yakwe Kateeka Davidi, nupya lino wayula mulyango, kusi umuntu nanti wenga angauyala, na lino wene wauyala, kusi muntu nanti wenga angauyula.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”