1 Yoane 2:2 - Amazwi Yakwe Leza 2013

² Klistu ali mpolelwa yapa maifyo itu, nga na maifyo ya antu yonsi amu nsi.

1 Yoane 2:2 ပူးပေါင်းရင်းမြစ်များ

Aina Levi 16:10

Lelo imbuzi yuze ino cipendwilo caticilanga ukuti iyakwe Azazeli, alinzile kuipela ipuma kuli Yawe, kuti acite ulutambi lwa kufuta amaifyo pa mbuzi iyo nu kuita kuti yapita mu lwanga kuli Azazeli.

Luka 14:22

Muomvi amunena ati, ‘Mwene ilamulo lyako lyati lilondelwa, lelo incende iciliko.’

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 12:32

Lelo lino nemo ndasamikwa ku cimuti, ndaongwela antu yonsi kunondi.” (

Yoane 4:42

Lyene yanena umwanaci yati, “Ndakai twataila, pasi pa mazwi yano wali wavwanga, lelo pano sweisikulu twati tuyuvwila kunoli, nupya twati tumanya vino wi kwene ali Katuula wa amu nsi.”

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.

1 Yoane 4:10

Kuu kuli kutemwa kwakuti asi sweswe twatemwa Leza, lelo pano wene uwatutemilwe nga atuma Mwana wakwe kuti aye impolelwa ya pa maifyo itu.

1 Yoane 4:14

Naswe twati tulola, nupya tukupeela umboni vino watumile Mwana wakwe kuti aye ali Katuula wa antu amu nsi.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.