1 Yoane 2:1 - Amazwi Yakwe Leza 2013

¹ Mwe ana yane, nkumulembela cii pakuti mutaifya. Lelo ndi umwi wifya, tukweti kaazwa akatuvwangila kuli Tata, ali Yesu Klistu umololoke.

1 Yoane 2:1 ပူးပေါင်းရင်းမြစ်များ

Masamu 4:4

Oopini Leza nga mute ukwifya. Mwaelenganya wakwe cimwi pali cii, lino muizi cele pa misanzi inu.

Ezekelo 3:21

Lelo ndi waceula umuntu umwi umusuma pakuti ataifya, nawe wakuuvwa wata nu kucita iviipe, umuntu wiyo alaikalilila umu umi nawe kwene ulapusukako.”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Luka 10:22

“Tata, wampeela vintu vyonsi. Pasi nanti wenga uwamanya Mwana suka sile Tata. Nupya pasi nanti wenga uwamanya Tata suka sile Mwana, nga na yao yonsi yano Mwana wasola kuti amusokolole kunoyali.”

Yoane 10:15

Ndi vino Tata wamanya, nani namanya Tata, nga naipela kufwila mfwele.

Yoane 13:33

Mwe ana yane, namaya namwe pa kasita kanono sile. Mulandonda, lelo namunena vino nanenyile intunguluzi zya Ciyuda, inti ‘Mutangaya kuno nkuya.’

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 21:5

Lyene ayauzya ati, “Mwe yacuza, uzye mutumile nanti inswi yonga?” Nao yaasuka yati, “Awe, mukwai twawela sile minwe mitupu.”

Yoane 5:14

Pacisila cakwe cii, Yesu amuzana mu Ng'anda ikulu yakwe Leza, nga amunena ati, “Lola, lyene watupoziwa. Caleka ute ukwifya pakuti cimwi cipisye kuluta cii citakakuponele.”

Yoane 5:36

Umboni uno nkweti ulusile umboni wakwe Yoane. Pano milimo ino Tata wampeela kuti malile iili milimo ino nkacita. Milimo kwene ii, ikapela nu umboni wakuti Tata uwantuma.

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 8:11

Nawe aasuka ati, “Mwene, pasi nanti umwi.” Yesu nawe amunena ati, “Nani kwene nsyakukupeela mulandu. Pitanga, lelo utakiifye nupya.”

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Loma 6:15

Uzye lyene icani? Uzye twaifya, pamulandu wakuti tukateekwa ni cikuku cakwe Leza, nga tusyateekwa na masunde? Citangaya vivyo!

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 4:19

Mwe ana yane akundwe! Nupya kwene, wa kuwaika kwa muumbuza, avino nani kwene nkuuvwa pamulandu winu, usuke mwata wakwe Klistu uye munomuli.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Efeso 4:26

Ndi mwasoka mutaleka kusoka kwinu kumutungulule ku kwifya. Nupya mutikala asoke kufika nu kukuwa kwi lanzi.

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.

1 Timoti 3:14

Lino nkukulembela kalata wii, nkupaalila kwiza kulola zuwa.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.

Yakobo 3:9

Swemo tukaomvya lulimi pa kutaizya Mwene witu nupya Tata, nga nu kutipilako antu yanji, yano aumbwa mu unkolanya wakwe Leza.

1 Petulo 2:22

Klistu atatazile aifye nupya kusi umwi uwatazile auvwa akutumpoka.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 3:18

Mwe ana yane mwe, kutemwa kwitu kutaya sile mukulanda. Kwene kulinzile kuya ukwa cumi nupya kwaloleka mu milimo.

1 Yoane 3:5

Mwamanya ukuti Klistu walolike kuti asende maifyo, nu kuti munoli mutaya iifyo.

1 Yoane 3:7

Mwe ana yane, mutaleka umwi amusombe. Wino wensi akacita vyaololoke, wene waya umololoke ndi vino Klistu ali.

1 Yoane 4:4

Lelo mwe ana yane, mwemwe yakwe Leza. Mwemo mwacimvya mpiti yakasema yaufi, pano Mupasi uwaya muno muli wene uwamaka kuluta Mupasi utazumila Klistu uli muli yao amu nsi.

1 Yoane 5:17

Kuluvyanya konsi ukwifya. Lelo kwaya iifyo lino ilisyatungulula ku mfwa.

1 Yoane 5:21

Mwe ana yane, mwaisunga ningo mutapepa tuluwi.

3 Yoane 1:4

Kusi cuze icikanzanzya kuluta pakuvwa ukuti ana yane yakayela icumi.