1 Yoane 1:3 - Amazwi Yakwe Leza 2013

³ Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.

1 Yoane 1:3 ပူးပေါင်းရင်းမြစ်များ

Yobo 13:1

Yobo atwalilila ukwasuka ati, “Vivyo vyonsi nani kwene nailolela ntontonto na manso yane, nu kuyuvwila na matwi yane. Nga nu kwiluka, niluka mpiti.

Masamu 2:7

Caleka umwene wiyo akuti, “Nkuma imbila ino Yawe wanenyile, ati, ‘Wewe uli mwana wane umonsi, Nani ilelo nayaso.

Masamu 22:22

Namalandilanga antu yane ululumbi lwako. Namakulumbanyanga lyonsi umu kukongana kwao.

Ezaya 66:19

“Alino lyene yalasininkizya ukuti anene kwene nayafulula. Ndayapeela icimanyililo nu kutuma yamwi pali yano ndapususya, ku mitundu ni mpanga zya patali zino zitatala zyuvwa ukuzyansya kwane nanti ukulola ucindami na maka yane. Impanga zyonsi izili wakwe Tasyisyi, Libya na Lidya umwaya ya fundi ya makuule. Alino nu ku Tubali na Gilisi kuko ali kuno yalaalanda vya lulumbi lwane.

Mpendwa 10:32

Ndi wala wapita naswe, tulakupeela visuma pa vintu vino Yawe watupela.”

Yoane 17:11

Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.

Yoane 17:21

Nkuyapepela kuti yonsi kwene yaye wenga. Tata! Si leka yaye wenga, ndi vino wewe nani twaya wenga. Si leka yaye wenga, kuti antu amu nsi yataile vino wewe wantumile.

Yoane 17:25

Tata, wewe mololoke! Antu amu nsi yatakumanyile, lelo nemo nakumanya, nga na yaa yamanya vino wewe wantumile.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

Yoane 19:35

Wiyo uwaweni kuno vintu vii vikucitika, watapela umboni, kuti namwe kwene mutaile. Umboni wakwe uwa cumi, nupya wamanya vino akavwanga icumi.)

Milimo 13:32

Acino tuli kuno ku kuleta Ilandwe Lisuma kunomuli.

Milimo 13:41

‘Lolini, mwe antu amisowe! Zungukini nu kulowa! Pano lino muli aumi musyakutaila cintu cino nkucita ilelo, nanti angala umwi walondolola kunomuli!’”

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Milimo 4:20

Pano swemo tutangata kulanda pali vino twalola nu kuvwa.”

Loma 15:27

Ku kwali kusola kwao. Lelo ukwankanya impiya zyao ku Ayuda cali wa kulipa inkongole, pano Ayuda yalanga yankanyako Akulukuwa kupolelelwa kwao kwa mu mwenzo.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 1:9

Leza uwakutailwa, nupya aliwe wamwamile kuti muye mu utandano nu Mwana wakwe Yesu Klistu, Mwene witu.

1 Kolinto 15:1

Inane, nkansi kumwiusya pamulandu wi Landwe Lisuma lino nakosozile kunomuli. Mwemo mwalipokelile, nga nu utailo winu iukomeleka.

2 Kolinto 13:14

Cikuku ca Mwene witu Yesu Klistu, nu kutemwa kwakwe Leza, nu utandano wakwe Mupasi Wamuzilo viye namwe mwensi.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Filipi 1:7

Lyonsi nkaelengenya pali mwemwe mu mwenzo wane. Pano namutemwa cuze. Pano mwensi mwakumako pamwi nani muli vino Leza wancitila, pali ndakai lino indi mu ng'anda yaminyololo nga na lilyo lino nali kunzi kuti ncingilile Ilandwe Lisuma nu kulikosola na maka.

Filipi 2:1

Caleka ndi Klistu akumukomelezya, ndi nu kutemwa kwakwe kukamutekezya myenzo, ndi muli nu utandano wa Mupasi Wamuzilo, nga nu kusakamala nu kuya ni nkunkunsi na antu yauze,

Filipi 3:10

Cino nkulonda ukumanya Klistu na maka yano amulenzile kuzyukuka kufuma ku afwe. Nkulonda kukuma ku macuzi yakwe nga nu kufwa ndi vino wene wafwile.

Kolose 1:13

Leza watukulula nu kutufumya mu maka yakwe Ciwa ni mfinzi nga watuleta mu Wene wa Mwana wakwe mukundwe, wino

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

1 Timoti 6:2

Azya yano asambazi yao aina Klistu yene yalusyepo kufuka kunoyali, pano yene aina yao. Yalinzile kuyatumikila ningo kuluta, pano yakutumikila asambazi nupya atemwikwa yao mu utailo. Ulinzile kusambilizya nu kukosola vintu vii.

Ayebulai 2:12

Wene wavwanga wati, “We Leza, nemo ndanena aina yane ivya pali wewe. Ndakulumbanya mu ukongano wao.”

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

2 Petulo 1:16

Kutali ukulaika utulai lino twamunenanga ivya maka nu kuwela kwa Mwene witu Yesu Klistu. Na manso itu twaweni ukulu wakwe.

1 Yoane 1:1

Twamulembela pali wiyo akaamwa ukuti Izwi likapela umi, wiyo uwaliko kufuma ku utandiko, wino tuvwile, nupya wino twaweni na manso itu. Endi twamulolekisye, nupya twamukumizye ni minwe itu.

1 Yoane 1:5

Ilandwe lino tuvwa kufuma ku Mwana wakwe nupya lino tukumunena kuti Leza ali luswepo, nga munoli mutaya mfinzi nanti panono.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.