1 Yamwene 8:3 - Amazwi Yakwe Leza 2013

³ Walanga lino intunguluzi zyonsi zyamu Izlaeli zyakongana, alino yasimapepo yakatusya Mbokosi ya Upangano.

1 Yamwene 8:3 ပူးပေါင်းရင်းမြစ်များ

Yoswa 3:6

Alino Yoswa anena yasimapepo ati, “Nyemulini Mbokosi ya Upangano nga mupite mukolelele antu.” Acino iyakatusya Mbokosi nga iyakolelela antu.

Malango 31:9

Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.

Yoswa 3:3

nga yapeela ilamulo ku antu yati, “Lino mwaca mwalola yasimapepo aina Levi yasenzile Mbokosi ya Upangano yakwe Yawe Leza winu ku nkolelo, namwe kwene mulinzile ukukatuka musye vifulo vinu muilondelele pacisila.

Mpendwa 4:15

Lino Aaloni na ana yakwe yalamala kuvimbilikizya vintu vyamuzilo pamwi ni viombelo vyonsi, lyene ali lino ana yakwe Koati yali nu kwiza vikusya. Lelo yatalinzile kukumya ku vyamuzilo, pano ndi yacita vivyo yalafwa. Fwandi aluko lwakwe Koati yalinzile kusenda viya vya mwi Taalu lya Ukongano lyonsi lino yakulisezya.

1 Milandu 15:2

Lyene Davidi avwanga ati, “Aina Levi yatupu, aliyo yazumiliziwa ukusenda Mbokosi ya Upangano, pamulandu wakuti Yawe uwayasolola kuti yasenda Mbokosi ya Upangano yakwe Yawe, na kuti yamutumikila amanda pe.”

Yoswa 6:6

Acino Yoswa umwana umonsi wakwe Nuni aama yasimapepo nga ayanena ati, “Nyemulini Mbokosi ya Upangano yakwe Yawe, nga muleke yasimapepo cinimbali yakweyolelele ala yatiyasenda intandala.”

Yoswa 4:9

Yoswa atoola amawe ikumi na yaili nga ayasimpa apakasi ka Luzi lwa Yodani, papa kwene pano yasimapepo asenzile Mbokosi ya Upangano yimilile. (Napilelo kwene amawe yayo apano yacili.)

Mpendwa 7:9

Lelo Mose atapezile celeta nanti lyonga nanti a masaye kwene ku aluko lwakwe Koati, pamulandu wakuti yene incito yao yali iyakupinga ivintu vyamuzilo pa viye vyao wa ncito ino yapezilwe kuwaka.

1 Yamwene 8:6

Lyene yasimapepo yasenda Mbokosi ya Upangano nu kuingizya mu Ng'anda ikulu yakwe Leza. Yaya yaiteka apa Ncende Yamuzilo kuluta umwisika ya mapa yakwe yakelubi.

2 Samueli 6:12

Lyene lino umwene Davidi uvwa ukuti Yawe watapolelela Obedi Edomu na amu ng'anda yakwe pamulandu wakusunga Mbokosi ya Upangano yakwe Leza, akatuka aya aifumya ku ng'anda yakwe Obedi Edomu nga aitwala ku Yelusalemu ala akuzevya wakwe cimwi.