1 Yamwene 7:2 - Amazwi Yakwe Leza 2013

² Wene wakuuzile Isano ilyamwangwa ukuti Mutengo waku Lebanoni. Umu utali lyali amamita 44 nu mu wipi lyali amamita 22, alino ukuya papela namo lyatalimfile ukufika pa mamita 13 na citika. Lyakweti milongo itatu ya ncesi zya mikelide, papo pano yatenzi. Ni ncesi zizyo zyali ni mitwe ya mikelide papela.

1 Yamwene 7:2 ပူးပေါင်းရင်းမြစ်များ

1 Yamwene 10:17

Wapanzile ni visyangu imyanda itatu ivinono vyakwe zaabu musule. Cila cisyangu yacipomile zaabu ukulingana manye kilogalamu wenga na citika. Umwene Solomoni aika ivisyangu vivyo mwi Sano lyamu Mutengo waku Lebanoni.

1 Yamwene 10:21

Ingako zya mwene Solomoni zyonsi zyali izyakwe zaabu, nga ni viya vya mwi Sano lyamu Mutengo waku Lebanoni vyonsi vyali vyakwe zaabu musuma cuze. Kutali cimwi icipangwe na siluva, pamulandu wakuti siluva atali icintu cimwi icampomvu mu manda yakwe Solomoni.

1 Yamwene 7:3

Ipaala lyaliko lyatesilwe pa myalo ya mbao zya mikelide apa milongo ini. Mu mulongo onga ale muli imbao ikumi na zisano.

1 Yamwene 9:1

Lino Solomoni wamala ku kuula Ng'anda ikulu yakwe Yawe nga ni sano, nga na vyonsi vino wakasi ku kuula,

1 Yamwene 9:19

nga ni misumba yonsi yakusungilamo icuma cakwe na maceleta yakwe, ni misumba ya antu akwelanga pa mfwalasi, na vyonsi vino walondanga ku kuula mu Yelusalemu, mu Lebanoni ni mpanga yonsi muno wateekanga.

2 Milandu 9:16

Wapanzile ivisyangu navyuze ivinono penepo ivingafika uku mpendwa ya myanda itatu, nako aengelela zaabu anganyoma amakilogalamu yatatu. Vyonsi vivyo, aviika umu muputule umwi uno yamanga ukuti, “Isano lya Mutengo waku Lebanoni.”

Lwimbo lwakwe Solomoni 7:4

Insingo yako yapololoka wa lupungu ulwakuulilwa ni lino lya nzomvu. Amanso yako yali ungati iviziya vyamu musumba wa Esyiboni, visi vino vyaya mupipi ni mpongolo yakwe Bati Labimu. Impuno yako ikuloleka wa lupungu lwaku Lebanoni luno lwalungatana na Damasiko.

Ezaya 22:8

Fwandi vivyo ali vino tungati amalinga yano yacingililanga Yuda yali yaongoloka. Lino icintu cico cali caloleka, ali lino namwe mwali mwatoola ivyanzo vinu umwi Sano lya Mumutengo muno mukavisungila.