1 Yamwene 4:3 - Amazwi Yakwe Leza 2013

³ Eliolefi na Aiya, ana yakwe Syisya, yali yakalemba. Yeosafati umwana wakwe Ailudi, wali a kalemba wa mbila.

1 Yamwene 4:3 ပူးပေါင်းရင်းမြစ်များ

2 Samueli 20:23

Yoabu wali akatungulula wa vita vya ina Izlaeli. Benaya umwana umonsi wakwe Yeoyada wali a kangalila wakwe yakalinda yakwe Davidi.

2 Samueli 8:16

Yoabu, wino nyina wali a Zeluya, wali a musika mukulu uwa vita. Yeosafati umwana umonsi wakwe Ailudi wali a kalemba wa vicitwa.

1 Milandu 18:15

Yoabu umwana wakwe Zeluya uwali intunguluzi ya vita. Yeosafati umwana umonsi wakwe Ailudi wali akalemba wa milandu.

1 Milandu 18:6

Pacisila cakwe vivyo Davidi aika amaboma ya nkondo ku Damasiko mu mpanga ya Alamu. Acino aina Alamu yamutumikila nu kusonka imisonko kunoli. Yawe aleka kuti Davidi acimvye konsi kuno wapitanga.

Ezaya 62:6

Nemo ne Yawe, namaika yakalinda pa malinga yako. Nayo yataezya ukwikala cele usiku nu musanya. Yalinzile ukunjiusya apakukana ilila vino namulaya.

1 Samueli 14:3

Pali yakwene apali Aiya, uwazwite cakuzwala ca efodi. Wene wali umwana wakwe Aitubi umwina wakwe Ikabodi, umwana wakwe Pineasi umwana wakwe Eli, uwali a simapepo wakwe Yawe ku Syilo. Kutali umwi uwamanyile ukuti Yonatani watapita.