1 Yamwene 3:3 - Amazwi Yakwe Leza 2013

³ Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

1 Yamwene 3:3 ပူးပေါင်းရင်းမြစ်များ

1 Yamwene 11:34

Nga lelo Solomoni yasikumupokolola uwene onsi. Amaya pa wene mpaka amanda yonsi yano alikala pa wene pamulandu wakwe isi Davidi wino ne Yawe nasolwile, uwalondelanga amalamulo yane ni vyeo vyane.

1 Yamwene 11:38

Ndi cakuti umayelanga vyonsi vino nkukupeela ilamulo, nu kupita umu nzila zyane, nu kucita vino nemo nkalonda, apa kusunga ivyeo na malamulo yane wakwe vino Davidi umuomvi wane wacitanga, lyene alino namayanga nawe insita yonsi. Alino ndakulasika pa wene wa Izlaeli, nupya ndaleka kuti aizikulu yako yateeka wakwe vino nacitile Davidi.

1 Yamwene 11:4

Lino Solomoni wakota, aci yakwe yalesile kuti apepa tuleza tuze twakumwao. Wene watile nu koopa Yawe Leza wakwe ndi vino isi Davidi wacitanga.

1 Yamwene 11:6

Solomoni wacitanga ivintu navyuze nyanya iviipe, pa manso yakwe Yawe. Wene atali uwacumi kunoli ndi vino isi Davidi wali.

1 Yamwene 14:23

Yene yaikuulile utuvuwa, ni vipilala vyamuzilo nga nu unkolanya wakwe Asyela pa ncende zyonsi zino yakapepela mwenemo nu mwisika ya visao vya miti.

1 Yamwene 14:8

Napokolwile uwene ukufuma ku amu mupanda wakwe Davidi nga imbupela kunuli. Lelo wemo utaali wa muomvi wane Davidi, wino wali uwacumi kunondi nu mwenzo wakwe onsi, uwayezile amalamulo yane, nu kucita sile vivyo ivikanzanzya.

1 Yamwene 15:11

Asa wacisile ivisuma pa manso yakwe Yawe, ndi vino Davidi icikolwe cakwe wacisile.

1 Yamwene 15:14

Nanti angala Asa atononyile ncende zino yapepelanga mwenemo, wene watwalilile kuya uwacumi kuli Yawe mu manda yonsi aumi wakwe.

1 Yamwene 15:3

Abiya wene wacisile amaifyo yonsi yano isi wacisile. Wene atali uwacumi kuli Yawe nu mwenzo onsi, ndi vino Davidi icikolwe cakwe cali.

1 Yamwene 15:5

Cali vivyo pamulandu wakuti Davidi wacisile ivisuma pa manso yakwe Yawe, nupya mu manda yonsi ya umi wakwe wene atakanyile kuyela amalamulo yakwe, suka sile pamulandu onga sile wakwe Uliya umwina Hiti wilya.

1 Yamwene 22:43

Yeosafati wacitanga ivintu ivisuma pa manso yakwe Yawe, wakwe vino isi Asa wacitanga. Lelo wene atononyile incende zino antu atamanya Leza yapepelanga penepo. Nupya antu yatwalilile ukupeelela penepo impolelwa nu kocela ubani ku ncende zizi kwene.

1 Yamwene 22:44

Cintu cuze icakuti Yeosafati yuvwananga nu mwene wa ina Izlaeli.

1 Yamwene 3:14

Nupya ndi cakuti umalondelanga umu ntampulo zyane, wawaka na masunde yane pamwi ni vyeo vyane ndi vino so Davidi wacitanga, ndavuzya amanda ya umi wako.”

1 Yamwene 3:6

Solomoni aasuka ati, “We Yawe wakwatile tata nupya umuomvi wako Davidi uluse ulukulu, pamulandu wakuti wene wacitanga ivisuma pa manso yako nupya kacita wa vyawololoke nupya uwacisinka. Nupya watutwalilila ukumulanga uluse lwako ulukulu nu kumupeela umwana umonsi kuti aikale pa cilimba cakwe ica wene apilelo.

1 Yamwene 8:25

Nga lelo we Yawe, Leza wa ina Izlaeli, nakupapata walukusunga amalayo yako yano walavile tata Davidi, uti, ‘Lyonsi sile ana yako aliyo yalaya aene amu Izlaeli. Cikulu sile yalondela ivisuma ndi vino wemo ukacita pa manso yane.’

1 Yamwene 8:61

Naswe swe antu yako twakukwatila icumi we Yawe Leza witu. Twalondela na masunde yako yonsi, wakwe vikwene vino twacita umwi lelo.”

1 Yamwene 9:4

Ndi cakuti umantumikilanga umu cumi na muli ukaele ndi vino so Davidi wacitanga, umayela na malamulo yane ni vyeo nga na masunde yane,

2 Yamwene 12:3

Lelo kwene incende zino yakapepela mwenemo yatazyononyile foo. Na antu nayo yatwalilile ukupeelela penepo impolelwa nu kocela ubani ku ncende zizi kwene.

2 Yamwene 12:4

Mu nsita kwene ilya Yoasyi ali pakupeela ilamulo kuli yasimapepo ati, “Ulupiya ulumafumanga mu wila uo uno yakupeela ku Ng'anda ikulu yakwe Yawe, luno yapimila cila muntu ukuleta, na zino cila muntu akaipingula ukupeela pa utailo wakwe,

2 Yamwene 14:3

Amaziya wacitanga ivintu visuma pa manso yakwe Yawe. Lelo kwene atali wakwe Davidi icikolwe cakwe. Wene walondile mu lwazo lwakwe isi Yoasyi vino wacisile.

2 Yamwene 14:4

Ata ongolwile incende zino yakapepela mwenemo. Na antu nayo yatwalilile sile vivi kwene ukupeelela penepo impolelwa nu kocela ubani ku ncende zizi kwene.

2 Yamwene 15:35

Lelo incende zino yakapepela mwenemo utuluwi yatazyononyile foo. Nupya antu yatwalilile ukupeelela impolelwa nu kocela ubani ku ncende zizi kwene. Yotamu akuululula impongolo yakupeela ya Ng'anda ikulu yakwe Yawe.

2 Yamwene 15:4

Nga lelo incende zino yakapepela mwenemo zyene atazyononyile foo. Antu nayo yatwalilile ukupeelela impolelwa nu kocela ubani ku ncende zizi kwene.

2 Yamwene 18:22

Aina Asilya iyatwalilila na mazwi iyati, “Limwi mukulonda mutunene ukuti mukutaila muli Yawe Leza winu. Nga awiyo wene umutupu watamozile incende zyakupepela mwenemo utuluwi kumwi nu tuvuwa, zino Hezekiya wakuuzile nu kunena antu aku Yuda na amu Yelusalemu ati, ‘Mwapepela apa kavuwa kaa, kaku Yelusalemu.’

2 Yamwene 18:4

Watamozile incende zyonsi izyakupepela mwenemo tuleza tuluwi. Watamozile na mawe yano yimikanga nu konona amaunkolanya yonsi yakwe kaleza kanaci ka Asyela. Alino watamile ni nzoka ya cela ino Mose wimikemo, pasi pano ukufika na pa nsita kwene ilya aina Izlaeli yatwalilile ukuyocela ubani. Inzoka kwene iyo apakuicindika yayamanga iyati Neusyitani, iyo ino ukufika na pa kasita kako aina Izlaeli yocelanga ubani.

2 Milandu 15:17

Nanti Asa wakanyile kuti atamole incende zino yapepelangamo tuleza, utuluwi apa myamba, wene watontelanga sile Yawe Leza amanda yonsi aumi wakwe pano nsi.

Masamu 145:20

Yawe akawaka yonsi amutemwa, lelo yakaifya yonsi yene akayalovya.

Masamu 31:23

Si mwalukutemwa Yawe, mwe aswepe yakwe mwensi. Yawe akawaka aufuma cumi, lelo wene akavunuka antu acilumba.

Aina Levi 17:5

Cii, cikusenula ukuti aina Izlaeli yakaaleta kuli Yawe inyama zya mpolelwa zino pali ndakai yakufyulila pa lwalala. Yalinzile kuzileta kuli simapepo, kuli kuti kuli Yawe, pa mulyango wi Taalu lya Ukongano kuti ziye amawila autandano.

Mateo 22:37

Yesu nawe aasuka ati, “ ‘Uwatemwa Mwene Leza wako nu mwenzo wako onsi, nu umi wako onsi, na mano yako yonsi.’

Yoane 14:15

“Ndi mwantemwa mwayela masunde yane.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

1 Kolinto 8:3

Lelo Leza wene asyatwisika umuntu wino wamutemwa.

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 10:13

nga nu kuyela amasunde yakwe yonsi yano nkumupeela ilelo kuti cikamuzipile.

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 30:16

Ndi mwayela amalamulo yakwe Yawe Leza winu yano nkumupeela ilelo, nupya ndi mwamutemwa, nu kumuyela, nu kulondela malamulo yakwe yonsi, ale lyene mulapelwa ulongo nupya mulaya uluko lwa antu avule. Yawe Leza winu alamupolelela mu mpanga ino muli pipi nu kupoka kuti iye iyakwinu.

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Malango 6:5

Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Samueli 9:12

Akazyana nayo iyaasuka iyati, “Amuno ali. Ali pankolelo inu, mupitisye sile. Ali lino wali wacifika mu musumba pamulandu wakuti ilelo kwene lii ali lino antu yamapeela impolelwa pa kavuwa pa mwamba.