1 Yamwene 22:52 - Amazwi Yakwe Leza 2013

⁵² Wene wifyanga pa manso yakwe Yawe, pamulandu wakuti walondelanga imisango iipe yakwe Aabu isi na yakwe Yezebele nyina, alino ni ya mwene Yeloboamu uwalenzile kuti aina Izlaeli nayo yatandike ukwifya.

1 Yamwene 22:52 ပူးပေါင်းရင်းမြစ်များ

1 Yamwene 15:26

Wene wifyanga pa manso yakwe Yawe, nu kulondela umu nzila zyakwe isi nu mu maifyo yakwe yano walenzile aina Izlaeli ukwifya.

1 Yamwene 15:34

Wene wifyanga pa manso yakwe Yawe, nu kulondela imisango yakwe Yeloboamu nu kucita amaifyo yano walenzile na aina Izlaeli kwene ukwifya.

1 Yamwene 21:25

(Kutatazile kuya umuntu nanti wenga uwayembwike pa manso yakwe Yawe umu kucita ivintu viipe kuluta pali Aabu, pano wene watunkwangwa na Yezebele, umuci wakwe.

1 Yamwene 22:40

Lino Aabu wafwile, Aaziya umwana wakwe umonsi amupyana pa cilimba ca wene.

2 Yamwene 3:3

Lelo nanti cali vivyo wene wemelile ku kucita iviipe ndi vino Yeloboamu, umwana umonsi wakwe Nebati wacitanga, vivi kwene vino walenzile aina Izlaeli ukucita. Nupya atatiile ukucita vivyo awe.

2 Yamwene 8:27

Aaziya kwene wali a citwazi wa mwene Aabu, na uo kwene uli mulandu uno Aaziya wacitilanga ivintu iviipe apa manso yakwe Yawe, umu musango uli onga kwene na uno akazi kakwe Aabu yacitilanga.

2 Yamwene 9:22

Lino Yolamu walola Yeu, amuuzya ati, “We Yeu, uzye wizile kuno mu mutende?” Yeu nawe amwaasuka ati, “Uzye pangaya uli umutende lino tucikweti utuluwi nu wanga uno nyoko Yezebele watandike?”

2 Milandu 22:3

Nawe kwene walondelile umusango wa akazi kakwe Aabu, pano nyina wamukomelezyanga ukwifya.

Mako 6:24

Mukazyana afuma aya auzya nyina ati, “Uzye namalenga cani?” Nyina amunena ati, “Kalenge umutwe wakwe Yoane Kawatizya.”

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.