1 Yamwene 2:9 - Amazwi Yakwe Leza 2013

⁹ Lelo kwene utezya ukumuta aye uwaula umulandu. Wewe muntu mulamoke. Wemwisikulu umanyile ivyakucita kunoli. Leka akomwe.”

1 Yamwene 2:9 ပူးပေါင်းရင်းမြစ်များ

Utandiko 42:38

Lelo Yakobo avwanga ati, “Mwana wane atangapita namwe, pano umwina wafwa, nga wikwene wenga sile asilepo. Limwi icintu cimwi cingamucitikila mu nzila. Nene muntu mukote, lyene amazwi aulanda yano mungiza nayo angankoma.”

Utandiko 44:31

Pano tata wika amano mu mulumendo kwene wi, nupya mukote, na mazwi ya ulanda yano ningaya nayo yangalenga kuti afwe.

Utandiko 9:6

Nu muntu uwakoma umuntu muze, nawe kwene antu yauze yalamukoma. Pano umuntu waumvilwe mu cata cakwe Leza.

2 Samueli 16:5

Lino umwene Davidi akupalamila ku Baulimu, umuntu umwi ukufuma mu luko ululi lumwi nu lwa akazi kakwe Saulo aiza ukufuma kuku. Izina lyakwe wali a Syimei umwana umonsi wakwe Gela, ala akumutipwila lino akufuma.

2 Samueli 3:39

Nanti angala nene indi mwene umusololwe, umwi lelo pasi vino namacita. Ana yaa aonsi yakwe Zeluya akakasi sana. Yene yatiyampezya amano. Si Yawe ale alandule pali vino antu yaa yatiyacita.”

1 Yamwene 2:6

Wemo umanyile ivyakucita kunoli. Uce uleke yamulyolyosye sile.

1 Yamwene 3:12

Nani namacita cino watulenga. Namakupeela umwenzo wa mano nu kwiluka, uwakuti kutalatala kuye umuntu uwakulingana nawe, nupya pacisila cako kutalatala kuye umwi.

1 Yamwene 3:28

Lino antu yonsi amu Izlaeli yuvwa upinguzi uno umwene wapingwile, iyatandika ukoopa umwene, pamulandu wakuti yaweni ukuti akweti amano ukufuma kuli Leza akulungika umu kuputula kwa milandu.

Yobo 9:28

Awe nalyo kwene intete izindema apa kwelenganya ucuzi wane onsi, pasi pano manyile ukuti Leza wanzana nu mulandu.

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Kufuma 22:27

pamulandu wakuti cili icakuvimbala sile cino mupina akweti ca kumucingilila ku mpepo usiku. Uzye nacuze icani cino angavimbala? Ndi wene walilila kunondi ukuti mwazwe, ndamwasuka pano nene wa mizu.

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Mpendwa 32:23

Lelo ndi mwaposiwa ukucita cii, ale mwaifya kuli Yawe nga sininkizini ukuti mulavunukwa pa maifyo inu.