1 Yamwene 2:3 - Amazwi Yakwe Leza 2013

³ Uwacita vino Yawe Leza wako wakupeela ilamulo kuti ucite. Uwayela amasunde na malamulo yakwe yonsi wakwe vino yalembwa mu mpapulo zyakwe Mose, pakuti vyonsi vino ulacita vikuzipile ukuli konsi kuno ungaya.

1 Yamwene 2:3 ပူးပေါင်းရင်းမြစ်များ

2 Samueli 8:14

Wene akuula insakwe zya nkondo umu mpanga yonsi ya Edomu nu kulasika asilika akwikala mwenemo kuti yamuteekela impanga iyo. Nga atandika ukuteeka antu ya kweneko. Yawe alenga kuti Davidi acimvye konsi konsi.

2 Samueli 8:6

Lyene Davidi akuula insakwe zya nkondo mu Damasiko nu kulasika asilika akwikala mwenemo nu kumuteekela impanga ilya iya Asilya. Aina Asilya iyatandika ukuteekwa na Davidi nga iyalipa ni misonko kunoli. Yawe alenga kuti Davidi acimvye konsi konsi.

1 Yamwene 3:3

Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

2 Yamwene 18:7

Fwandi Yawe nawe ali pakuya nawe. Nu kusyuka ali cino wasyukanga muli vyonsi vino wacitanga. Wasusile wasangukila umwene waku Asilya, wata nu kumucindika.

1 Milandu 29:19

Upeele Solomoni umwanane umonsi insuna ya kuyela amalamulo yako yonsi nga nu ku kukuulila Ng'anda ikulu ino natinteyanyizizya vii vyonsi.”

Masamu 119:111

Amalamulo yako ali vyuma vyane ivyakuyelelela. Ali luzango lwa mwenzo wane.

Masamu 119:138

Amasambilizyo yako yano ukupeela, alungame nupya akutailwa.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.

Masamu 19:7

Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Aina Levi 8:35

Mulinzile mwaikala pa mulyango wi Taalu lya Ukongano, musanya nu usiku, amanda cinimbali ala mukuomba kulingana na vino Yawe wamupeela ilamulo. Ndi mutakucita vii, mulafwa. Lii, lili lamulo lino Yawe wapeela kunondi.”

Malaki 4:4

“Iusyini ivya usambilizyo wa muomvi wane Mose, amasunde na malamulo yano namupiile pa mwamba wa Holebu kuti aina Izlaeli yonsi yayela.

Malango 29:8

ituyapoka ni mpanga nu kuyankanya ku mitundu yakwe Lubeni na Gadi nu ku luko pakasi lwakwe Manase.

Malango 29:9

Ali cino fwandi mwawaka nu kulondela ningo ningo amasunde amu upangano uu pakuti muye nu longo mu vintu vyonsi vino mumacitanga.

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Malango 4:45

Yakwene ali malamulo, ni vyeo nga na masunde yano Mose wapeezile aina Izlaeli lino yafumile mu mpanga ya Eguputo,

Malango 4:5

“Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.

Malango 4:8

Kusi umutundu uze nanti onga, nanti ungakula uli, uno wakwata amasunde aulungami wakwe yao yano natimusambilizya apilelo.

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Yoswa 22:5

Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

Yoswa 23:6

Acino fwandi mwaikomelezya nu kutekela pa kulondela vyonsi ivyalembwa mu lupapulo lwa Masunde yakwe Mose, ukwaula kusya nanti cimwi.

1 Samueli 18:14

Nupya wene wali nu longo muli vyonsi vino wacitanga, pamulandu wakuti Yawe wali nawe.

1 Samueli 18:30

Yamusika akalamba ya vita vya ina Filisti iyatwalilila ukwiza ku ulwi, lelo umu ulwi onsi Davidi wacimvyanga ukuluta asilika yakwe Saulo asyala. Ni zina lyakwe ililumbuka wakwe cimwi.

1 Samueli 18:5

Muli vyonsi kwene vino Saulo watumanga Davidi ukuyacita, wene ataposiwanga cakuti Saulo amulasika icifulo icikulu icamu vita. Na cii cazanzizye antu yonsi, kumwi ni ntunguluzi kwene zyakwe Saulo.