1 Yamwene 2:2 - Amazwi Yakwe Leza 2013

² “Nemo lyene nasya mfwe, acino ulinzile kuposya nupya utatovoka.

1 Yamwene 2:2 ပူးပေါင်းရင်းမြစ်များ

Yoswa 23:14

“Ndakai nemo lyene nasya mfwe. Mwemo mwensi mumanyile umu myenzo inu yonsi ukuti kusi nanti cimwi cisuma cino Yawe Leza winu wamulaya icitafikiliziwa. Vyonsi kwene vino walavile vyafikiliziwa.

Efeso 6:10

Mukusyalikizya, lekini maka yakwe Leza yamukomelezya.

1 Kolinto 16:13

Pempulini nu kukomeleka mu utailo, posyini, muye na maka.

Ayebulai 9:27

Muntu wensi alinzile ukufwa lyonga nga pacisila apingulwe na Leza.

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Masamu 89:48

Nga aweni fwandi alayelelela ukwaula ukufwa? Uzye aweni angaituula uku maka ya mfwa?

Yobo 30:23

Lyene natimanya ukuti watuntwala ku mfwa sile. Akuno tuce tukakomenkane na afwe.

Yobo 16:22

Pano kwene ndi nati kandole imyaka ya umi wane, yasyala sile iyakupenda. Nasya ndondele inzila iyakuya kuno yasiwela.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

1 Yamwene 3:7

“Lyene, we Yawe, Leza wane, watuncita ne muomvi wako ukuya umwene mu cifulo cakwe tata Davidi. Lelo nemo nene mwana munono sile nupya ntamanyile ivyakuteeka.

2 Samueli 10:12

Wemo ule ukome sile nu kuposya! Leka tulwisizye antu itu na maka, tulwisizye ni misumba yakwe Leza witu. Ukulonda kwakwe Yawe kule kucitike!”

2 Samueli 12:23

Lelo vino lyene caticisila watafwa, cino ningakanila ukulya icani? Uzye ningamututulula aye nu umi nupya? Uwanda umwi ndasuka inje kunoli, lelo wene atangatala aize kunondi.”

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.

1 Milandu 22:16

yakwe zaabu, siluva, ni ya mukuwa ni cela, avule wakwe cimwi. Caleka wemo tandika ukuomba umulimo. Si Yawe aye nawe.”

1 Milandu 28:10

Lyene elenganya ningo apa vintu vii, pasi pano Yawe wakusolola kuti umukuulile ng'anda, umwakuti wene aikalamo ungati umwakwe. Posya kuti uombe umulimo uu.”