1 Yamwene 13:9 - Amazwi Yakwe Leza 2013

⁹ pamulandu wakuti Yawe wampile ilamulo ati, ‘Utaca ulye cakulya icili consi nanti ukumwa amanzi kweneko, nupya utakaswilile nu umu nzila ino wapisile mwenemo.’ ”

1 Yamwene 13:9 ပူးပေါင်းရင်းမြစ်များ

1 Yamwene 13:1

Api lamulo lyakwe Yawe kasema wakwe Leza ukufuma ku mpanga ya Yuda aya ku Betele, nga afika kweneko ala Leoboamu aimi pipi lwapa kavuwa kuti apeele impolelwa.

1 Yamwene 13:10

Acino kasema wilya apita nu mu nzila yuze, ukwaula kupita nu mu nzila ino wapisile mwenemo pakwiza ku Betele.

1 Yamwene 13:16

Lelo kasema wilya wakwe Leza avwanga ati, “Nemo ntange nje nawe ukwako, nupya ntange nzumile ukuti wewe uwansunga. Nemo ntange indye nanti ukumwa nawe,

1 Yamwene 13:19

Awe mukwai kasema wakwe Leza aswilila mwenemo pamwi nawe ku ng'anda yakwe, aya alya icakulya nu kumwa amanzi kweneko.

1 Yamwene 13:8

Kasema wakwe Yawe nawe amwaasuka ati, “Nga cakuti wampile ing'anda yako apakasi, intange inje ukwako. Nsikulya icili consi nanti ukumwa amanzi kuno,

Yobo 23:12

Nemo lyonsi nkawaka amasunde yakwe yano akanena. Vino akalonda ali vino nkacita. Asi vino nemweneco njitemilwe.

Masamu 141:4

Utaleka umwenzo wane ulole ukukucita ivintu iviipe nu kuomba imilimo ya ukakasi pamwi na yano yakacita ivyamusalula. Nupya utaleka indye ivyakulya vyao nanti viye ivyamalila uli.

Mpendwa 16:26

Alino anena iuvi ati, “Funtukini ku mataalu ya antu yaa ankota, nupya mutakumya icintu cao icili consi. Pano namwe kwene mungalowa kumwi nayo pamulandu wa maifyo yao.”

Yoane 13:17

Ndakai mwati mumanya vintu vii, nga ndi mukuvicita mulaya alongo.

Yoane 15:14

Mwemwe yacuza yane ndi mukucita vintu vino namunena.

Loma 16:17

Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke.

1 Kolinto 5:11

Nkusenula ukuti mutalinzile kuya mu utandano nu muntu akaitaka vino wene umwina winu, lino wene akacita ulenzyo, nanti uwa lwiswa, nanti akapepa tuluwi, nanti uwa ntumpu, nanti umukolesi, nanti umwivi. Mutaikala pansi nu kulya pamwi nu muntu wa musango uu.

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

Umbwilo 18:4

Nupya nuvwa izwi nalyuze kufuma mwiyulu likuti, “Fuminimo, mwe antu yane! Fuminimo munoli! Mutalinzile kukumako ku maifyo yakwe. Mutalinzile kukumako ku kuvunukwa kwakwe.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.