1 Yamwene 10:3 - Amazwi Yakwe Leza 2013

³ Solomoni aasuka amauzyo yakwe yonsi. Kutali cimwi icali icikome sana cino umwene waposiwe ukumulondolwela.

1 Yamwene 10:3 ပူးပေါင်းရင်းမြစ်များ

2 Samueli 14:17

“Nupya natinelenganya ukuti amazwi ya musambazi yangantekezya umwenzo, pano we musambazi uli wa mungeli wakwe Leza. Wamanya ivintu vyonsi nupya ungalekanya pakasi ka visuma ni nkota. Si Yawe Leza wako aye nawe.”

2 Samueli 14:20

Nga lelo cino wacitile vyonsi vii, pakuti angalolola ivintu vyonsi muno vingacitikila pamulandu wakuti wemo wacenjela wa mungeli wakwe Leza. Wemo wamanya ivikacitika umu mpanga ii.”

1 Yamwene 10:1

Lino namwene waku Syeba uvwa ululumbi lwakwe Solomoni pa kuya mu utandano na Yawe, aiza ku Yelusalemu ku kumwezya na mauzyo akome.

1 Yamwene 10:2

Wene aiza na aomvi avule nga ni ngamila ale zisenzile ivinunkile, na zaabu umuvule wakwe cimwi, na mawe amutengo ukulu cuze. Lino wafika kuli Solomoni, amunena vyonsi ivyali ku mwenzo wakwe.

1 Yamwene 10:4

Namwene waku Syeba auvwa ivyali amano yakwe Solomoni nga alola ni ng'anda ilya ino wene wakuuzile.

1 Yamwene 3:12

Nani namacita cino watulenga. Namakupeela umwenzo wa mano nu kwiluka, uwakuti kutalatala kuye umuntu uwakulingana nawe, nupya pacisila cako kutalatala kuye umwi.

2 Milandu 9:2

Solomoni nawe amwaasuka pali vyonsi vino wamuzizye.

Mapinda 13:20

Akapita nu wa mano nawe kwene alakwata amano, lelo ndi mwapita na akapweeka, ala nawe kwene ulapweeka.

Ezaya 42:16

Ndatungulula impafu mu miseo ino yene yatamanya, ndayatungulula umu nzila izitamanyika kunoyali. Ndasangula imfinzi ino yakapita mwenemo kuti iye uluswepo. Alino amawe amu nzila, nemo ndayafumya mwenemo, pakuti yace yapita apaswepe. Ali vino nemo ndacita nupya ntalatala mvitazyele.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Kolose 2:3

Klistu ali mfungulo ya kumanya nkama yakwe Leza, nga mano nu kumanya konsi vyafiswa munoli.