1 Timoti 5:8 - Amazwi Yakwe Leza 2013

⁸ Lelo ndi cakuti umwi asyasakamala akazi kakwe, maka maka amu ng'anda yakwe, ala wene wakana utailo nupya umwipisye kuluta wiyo atataila.

1 Timoti 5:8 ပူးပေါင်းရင်းမြစ်များ

Utandiko 30:30

Pa vinono vino wakweti lino ntali nize vyativivulilako cuze, na Yawe watakupolelela pamulandu wa usunzi wane. Lyene insita yatifika yakuti nani nkailolela nemwisikulu.”

Ezaya 58:7

Ukwankanya icakulya cinu kuli yano yatakweti, ukupokelela apina umu ng'anda inu, yano yatakweti ukwakwikala. Ukwazwilizya antu yano mukulola ukuti kwene yasizya. Mutafisa ukulanga antu inu uku mwinu.

Mateo 18:17

Ndi wakana kuvwa kunoyali, kanene iuvi. Ndi wakana kuvwa nu kwi uvi kwene, mumucite wa muntu atataila Leza nanti wakwe kasonkisya.

Mateo 7:11

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela vintu visuma kuli yao akamulenga?

Yoane 15:22

Ndi ntizile mvwange kunoyali, nga yasi nu mulandu wa kwifya. Lelo ndakai kusi kuno yangaleukila pa maifyo yao.

1 Kolinto 6:6

Mu cifulo cakwe cii, cazanwa ukuti mwina Klistu wenga akasitaka umuze ku cilye ca milandu kuti apingulwe na asi a mwiuvi.

2 Kolinto 12:14

Lii, ila lyakwe citatu lino nkupanga kwiza mutandalila. Lelo na ndakai ntakulonda kulenga cimwi kuno muli. Nkulonda sile mwemwe, lelo asi kuya wa cisendo kuno muli. Usi mulimo wa ana kusungila akwasi yao vyuma, lelo mulimo wa akwasi kusungila ana yao.

2 Kolinto 6:15

Uzye Klistu a cuza wakwe Satana? Uzye ataila Mwene yangalemana uli na antu atamutaila?

Galatiya 6:10

Caleka tulinzile kucita visuma ku muntu wensi vino tungacita nu kuluta kuli yao ali alondezi yakwe Klistu.

2 Timoti 2:12

Ndi twatwalilila kuposya, ale lyene tulateeka pamwi nawe. Ndi twamukana, ale nawe kwene alatukana.

2 Timoti 3:5

Yene yalailanga kuya apefi, lelo upefi wao utalaloleka uwa cumi. Fumako ku antu amusango uu.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

2 Petulo 2:1

Ku mpiti kwalolike yakasema yaufi pakasi ka ina Izlaeli. Mu musango uli onga kwene yakasambilizya yaufi yalaloleka munomuli. Mu nkama yene yalaleta usambilizyo uwakonona nupya usi wa cumi. Yene yalakana musambazi wino wayakulwile. Acino yalailetelela kononwa mukupumikizya.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

Umbwilo 3:8

Namanya milimo yako. Nakuyulila mulyango nupya kusi angauyala. Namanya vino maka yako yatavula, lelo ukayela mazwi yane nupya utankana.