1 Timoti 5:6 - Amazwi Yakwe Leza 2013

⁶ Lelo mukamfwilwa wino uwaipela mu vyakuizanzya ala wene wafwa akupita.

1 Timoti 5:6 ပူးပေါင်းရင်းမြစ်များ

Yakobo 5:5

Umi winu muno nsi uwa kuipakizya mu vintu vyamutengo. Lelo ndakai mukoline wa ng'ombe ziine zino zikusendwa ku kukomwa.

Umbwilo 18:7

Mucuzyini nu kuleka anyunguluka cuze kulingana nu lulumbi nu wikazi wapapela uno umwisikulu waipile. Pano wene akutwalilila kuinena ati, ‘Ntenzi pano, ne namwene! Nemo insi mukamfwilwa, ntalatala ndosye!’

Umbwilo 3:1

“Lemba ku ntunguluzi yakwi uvi ku Sadisi uti, “Lii ilandwe kufuma kuli wino uwakwata mipasi cinimbali yakwe Leza nga ni ntanda cinimbali. Namanya vino ukacita na vino antu yakati wewe mumi lelo wewe mufwe!

Luka 15:24

Pano umwanane wii wafwile, lelo nupya ali nu umi. Waponzile, lelo ndakai watalondoka.’ Lyene yatandika kuzanga.

Luka 15:32

Cati cizipa kuti tuzevye nu kuzanga, pano munyonko wafwile, lelo nupya ali nu umi. Waponzile, lelo ndakai watalondoka.’”

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Efeso 2:1

Namwe mpiti mwali afwe ku mupasi pamulandu wa kuntayela kwinu na maifyo inu.

Luka 15:13

Apacisila ca manda yanono, umuto wakazizye vyuma vyakwe, asenda impiya apita ku mpanga ya kutali, kuko kuno waile asumba vyuma vyakwe vyonsi mu uwelewele wakwe.

Mateo 8:22

Lelo Yesu amunena ati, “Ndondela, leka afwe yazike afwe yao.”

Kolose 2:13

Pa nsita imwi mwemo mwali afwe ku mupasi pamulandu wa maifyo, inu na pamulandu wakuti mwemo mwali atasilamulwa mu myenzo inu, mwali Akulukuwa aula Masunde. Lelo Leza waleka kuti Klistu amucite kuya aumi, lilyo lino watwelezile maifyo itu yonsi.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

Luka 12:19

Alino ndainena nemwisikulu nti, ‘Nene musyuke! Nakwata vintu vyonsi vino nalondanga pa myaka iingi. Kanapuza, nalya, namwa, nu kuzanga.’

Luka 7:25

Ndi cisi vivyo uzye mwaile kukulola cani? Uzye umuntu uwazwite insalu ziyembe? Awe! Antu akazwala wakwe vivyo ayao akazanwa mu masano.

Nyimbo zya ndosya 4:5

Yao alyanga ivisuma lyene yakwalangana umu miseo. Yao akulile umu nsalu izyamutengo, lyene ali yano yakufulukuta umu vitumba.

Yelemiya 6:2

Umusumba wa Zioni uyembe wakwe cimwi, lelo nemo ndaonona.

Ezaya 47:1

Yawe wavwanga wati, “We mukazyana atatala wamanya umonsi, we Babiloni, senka apa cilimba cako cawene. Ikala pansi pa luvukutu. We Babiloni ikala pansi, pano antu yatalakwama nupya ukuti wewe mutelepelele nupya umuyembe.

Ezaya 22:13

Lelo mwemo kuno muli kwali sile ukusansamuka nu kucina. Mwakomile ing'ombe, yacipambasi nu kufyula imfwele. Nga muvwanga, muti, “Lekini twalya nu kumwa, pano mutondo limwi tulafwa.”

Mapinda 29:21

Ndi wapololokezya umuzya ukutandikila uku wance wakwe, apa kusyalikizya alasya wakutuka.

1 Samueli 25:6

Mumunene muti, ‘Davidi akuti kunuli kawala! Si ulongo luye pa amu ng'anda yako na pali vyonsi vino wakwata!

1 Samueli 15:32

Lyene Samueli amunena ati, “Aleni ndetelini Agagi umwene wa ina Amaleke.” Acino Agagi aiza kunoli ala akuzakaza sile ku ntete nga avwanga ati, “Cumi kwene ukusakamikwa pa ukali wa mfwa kwasila.”

Malango 28:56

Nanti sile umwanaci kwene uwavyalwa ku lupwa lucindame, umukama cuze cakuti konsi kuno akuya ala yakumunyemula sile, nawe kwene alacita icili conga.

Malango 28:54

Nanti sile umonsi kwene uwa vyalwa ku lupwa lucindame, umufyeleke nupya uwacipale ni cilumba, nawe kwene alapelelwa pa nsita ino anisi inu yalalizizya imisumba cakuti alalya ana yakwe yamwi pamulandu wa kuntakwata cimwi cakuti alye.

Luka 16:19

“Kwali umuntu mukama uwazwalanga insalu ziyenzulukile zyamutengo, uwalyanga ningo nupya watenzi mu luzango lwa manda pe.

Utandiko 2:17

lelo utakalye iviseekwa vyaku muti uno ukapeela amano akumanya visuma ni viipe. Pano uwanda kwene uno ulalyako, ulafwa.”

2 Timoti 3:6

Yamwi munoyali yakaya mu mang'anda ya antu nu kutumpika aya mwenemo pakuti yongole anaci atonte yano anyomelwa na maifyo yao nga nu kutungululwa ni vilondwa vya nsuna zya misango yonsi.