1 Timoti 4:7 - Amazwi Yakwe Leza 2013

⁷ Lelo utaluke ku vilai vya uwelewele wakwe vino yanakalale yakalaika. Uyelezye umi wakucindika Leza.

1 Timoti 4:7 ပူးပေါင်းရင်းမြစ်များ

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

1 Timoti 1:4

Uyanene kuti yate kulanda vilai ni mitande itali ya mazina ya vikolwe, vivyo vikaleta sile vikanza. Vii visyaazwa kuomba mulimo wakwe Leza, uno ukaombwa mu utailo.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.

1 Timoti 2:10

Lelo yene yalinzile kucita vintu visuma vilingine ni vicitwa vya anaci akayela Leza.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

1 Timoti 6:20

We Timoti usunge ningo vintu vino walasikwa. Utakumako ku mazwi a cilandelande nga ni vikanza vyakutumpa vino antu yamwi mukuluvyanya kwao yakati, “Ukumanya.”

1 Timoti 6:3

Wino wensi akasambilizya usambilizyo uiyele uno utasuntinkine na mazwi acumi a Mwene witu Yesu Klistu nga nu usambilizyo uwamu mipepele itu,

1 Timoti 6:5

nga na lyonsi vikanza vikufuma ku antu yano myenzo yao isi ya mpomvu nupya yatakwata cumi. Yene yakaelenganya ukuti amapepo ili nzila yakuzanilamo ukama.

2 Timoti 2:16

Fumako kukulazyanya kukowele nupya ukwa uwelewele kuno kukafumya antu kuli Leza.

2 Timoti 2:23

Lelo wemo fumako ku vikanza vyauwelewele nupya vyaututu. Wamanya ukuti vikanza kwene vii vikaleta kulemanila.

2 Timoti 3:12

Muntu wensi wakwe Klistu wino akalonda kwikala umi wakucita vyawololoke pa manso yakwe Leza wene alazunyiwa,

2 Timoti 3:5

Yene yalailanga kuya apefi, lelo upefi wao utalaloleka uwa cumi. Fumako ku antu amusango uu.

2 Timoti 4:4

Yene yalafumako ku kuuvwa cumi nu kusumba mano ku tulai.

Tito 1:14

Alino lyene yatalemelela ku kutaila tulai twa uwelewele utwa Ciyuda nga nu ku masunde ya antu. Masunde yaa yakapangwa na antu yano asyayela icumi.

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

Tito 3:9

Lelo funtuka ku vikanza vyakutumpa, nu ku utantiko wa mazina ya vikolwe, kulemanila, nga nu kuntuvwana pali vino Masunde yakwe Mose yakasambilizya.

Ayebulai 5:14

Mukulanda kuze tumati vyakulya vikome ivya antu aikolo, yano asambiliziwa ningo kupalula visuma ni viipe.