1 Timoti 3:7 - Amazwi Yakwe Leza 2013

⁷ Intunguluzi ilinzile kuya umuntu wino wacindikwa na antu asi amwi uvi, pakuti wene atazewana nu kuponela mu citeyo cakwe Ciwa.

1 Timoti 3:7 ပူးပေါင်းရင်းမြစ်များ

Mako 4:11

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe,

Milimo 10:22

Yaasuka yati, “Konelio musika wa vita watatutuma. Wene umuntu musuma wino akaoopa Leza, nga na Ayuda yamucindika cuze. Mungeli wa Mwene wamunenyile kuti akwame ku ng'anda yakwe, pakuti akuvwe cino waya vwanga.”

Milimo 22:12

“Mwali umuntu izina lyakwe a Ananiya, uwali umupefi nupya wayelanga Masunde itu yakwe Mose, wino Ayuda ali mu musumba yamutasyanga.

Milimo 6:3

Caleka inane, sololini antu cinimbali amunomuli, azuziwamo na Mupasi Wamuzilo na mano, yano tumapela uwangalizi pa mulimo uu.

1 Kolinto 10:32

Ikalini mu musango uno utangaleta intazi ku Ayuda nanti Akulukuwa nanti kwi uvi lyakwe Leza.

1 Kolinto 5:12

Uzye nani cimpazi kupingula antu asi aina Klistu? Leza alayapingula Uzye mwemo mutalinzile kupingula vilundwa vya mwi uvi linu?

2 Kolinto 6:3

Swemo tusyakulonda umwi azane kuluvyanya mu mulimo witu, acino tukwezya na maka kuntaleta intazi.

2 Kolinto 8:21

Ipange litu ilya kucita cisuma, asi sile pa manso ya Mwene, lelo na pa manso ya antu kwene.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

1 Tesalonika 4:12

Lyene mulacindikwa na antu yano atataila, nupya mutalalonda uwazwilizyo kufuma ku muntu ali wensi.

1 Tesalonika 5:22

leukini viipe vya misango yonsi.

1 Timoti 3:6

Wene alinzile kuya umuntu uwalengela mu utailo, pakuti ataitumika aye ni cilumba nu kuvunukwa ndi vino cacitikile Ciwa.

1 Timoti 5:14

Acino nemo ningatemwa ukuti yamukamfwilwa acili akazyana, yatwalwe, yavyala ana, yasunga mang'anda yao ningo, pakuti yataleka anisi itu yalanda viipe pali sweswe.

1 Timoti 6:9

Lelo yao akulonda kuya akama yene yakaponela mu kweziwa nupya yalemwa mu citeyo ca vilondwa vya kutumpa nupya vya uzanzo. Vii vikayatwala ku kononeka, nu ku ulovyo.

2 Timoti 2:26

Alino lyene yalaelenganya ningo nga yalatuulwa ku citeyo cakwe Ciwa, wino uwayalema nu kuleka kuti yayela kulonda kwakwe.

Tito 2:5

na kuti yaikanya, yaye asanguluke nupya aci asuma akuyela yaiya. Yene yalinzile kucita cii pakuti kutaya umuntu nanti wenga uwakulandila Ilandwe lyakwe Leza viipe.

Tito 2:8

Waomvya mazwi ya cumi yano atangaleta mulandu, pakuti anisi yako yangacitwa insonyi pa kuntavwanga ciipe pali sweswe.

3 Yoane 1:12

Cila muntu akavwangila Demetiliyo visuma. Ni landwe kwene ilya cumi lino akakosola likacita cili conga. Naswe kwene tukulundapo umboni pali aliwe, nupya mumanyile ukuti vino tukulanda ivya cumi.

1 Samueli 2:24

Sangala mute vii, yanane! Ala impwelo ii ino nkuvwa ukuti ikusalangana mu antu yakwe Yawe isi impwelo isuma awe!