1 Timoti 3:6 - Amazwi Yakwe Leza 2013

⁶ Wene alinzile kuya umuntu uwalengela mu utailo, pakuti ataitumika aye ni cilumba nu kuvunukwa ndi vino cacitikile Ciwa.

1 Timoti 3:6 ပူးပေါင်းရင်းမြစ်များ

2 Yamwene 14:10

Ali cino wemo we Amaziya, wewe wacilumba apamulandu wakucimvya kuno wacimvizye aina Edomu. Ale fwandi yame walukuyuvwa vivyo kwene mu kucimvya kwako. Nupya nkukunena wemo uwikala sile ukwako kuko kwene. Uzye pacani cino ungasonsomba ulwete ulwakuti ukailetelele sile, umu kutaila sile umu antu yako aina Yuda?”

2 Milandu 26:16

Lelo lino Uziya waya na maka wakwe cimwi, atandika kuvwa icilumba nga cico icamupulumwisye. Wene atali uwacumi kuli Yawe Leza wakwe. Acino waile umu Ng'anda ikulu yakwe Yawe ku koca ubani pa kavuwa kakocelapo ubani.

2 Milandu 32:25

Lelo Hezekiya atataizye apa usuma uno yamucitile. Cilumba cakulisye umu mwenzo wakwe. Ali cino ukali wakwe Yawe iupona pali aliwe na pa antu amu Yuda nu mu Yelusalemu kwene.

Mapinda 18:12

Ukuiwanzya umukasi ka mwenzo, ukukakolelela ukuponga. Ukuicefya ali kuno kukakolelela ucindami.

Mapinda 29:23

Icilumba ca muntu cikamuletelela mpaka acefiwa, lelo umuntu akaicefya wene yakamucindika.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Danieli 11:12

Wene alaya ni cilumba apa kucimvya kwakwe nu kukoma asilika avule, lelo atalatwalilila ukucimvya, awe.

Luka 10:18

Yesu ayanena ati, “Naweni Ciwa wapona wa nkuwa kufuma mwiyulu.

1 Kolinto 3:1

Inane, nemo ntavwanzile kunomuli ndi vino nkavwanga ku antu ali na Mupasi Wamuzilo. Navwanzile kuno muli wa antu amu nsi ali wa ana anono mu utailo muli Klistu.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

2 Kolinto 12:7

Lelo pakuti ntaitutumula pamulandu wa vintu vingi vyakuzunguka vino vyaumbwilwe nu Mwene kunondi, Leza wampile ca kuntota ca munga mu mwili wane icili wa nkombe yakwe Satana ino wazumilizye kwiza nguma.

Malango 17:20

Cii, cilalesya umwene wiyo ukuitutumula pa ina Izlaeli yauze. Nupya cilamulesya ukukana yela amasunde yakwe Yawe umu nzila ili yonsi. Lyene umwene wiyo pamwi nayauze amu mupanda wakwe alamulondelela icisila yalaya yamwene mu Izlaeli pa manda avule cuze.”

Malango 8:14

muce musininkizye ukuti mutakaye ni cilumba nga mwilile Yawe Leza winu wino wamufumizye mu Eguputo, muno mwali azya.

1 Timoti 3:7

Intunguluzi ilinzile kuya umuntu wino wacindikwa na antu asi amwi uvi, pakuti wene atazewana nu kuponela mu citeyo cakwe Ciwa.

1 Timoti 6:4

ale wene ali ni cilumba nupya atamanyile ningo cintu nanti cimwi. Umuvulungane mano nupya wene akalonda kupazyanya nu kulemanila pa mazwi. Cii cikaleta uzuwa, vikanza, intusi, kutunganya kwipe,

2 Timoti 3:4

Yalaya asomvi, azakantike nupya yalaya na mataki. Yene yalatemwa vyakuizanzya kuluta kutemwa Leza.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

Yuda 1:6

Iusyini angeli yano asile vifulo vyao vya ulasi, nu kuvifutatila. Yene yanyepwa mu minyololo ya manda pe, mu kanda nu mu ulanda kufika pa Wanda ukulu wa upinguzi uno yalavunukwamo.