1 Timoti 3:2 - Amazwi Yakwe Leza 2013

² Intunguluzi yamwi uvi italinzile kutungwa kayi. Wene alinzile kukwata muci wenga sile, nu kuya mutekele, wa mano, wa mucinzi, akasunga aenyi ningo mu ng'anda yakwe. Wene alinzile kuya mukampuke ku kusambilizya.

1 Timoti 3:2 ပူးပေါင်းရင်းမြစ်များ

Ezaya 56:10

Wayamanga ala akuti, “Intunguluzi zyonsi izyaya nu mulimo wa kusoka antu yane zyene impafu zitupu. Zitamanya nanti cimwi, zyakolana sile wakwe yasimbwa yano yasiwata, yano yikalila sile ukulala utulo nu kulota iviloto. Pasi pakutemwa ukuinyunza pano yalambalile.

Luka 1:6

Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Luka 2:36

Kwali kasema umwi umwanaci wi zina lyakwe Ana, mwana Faniweli uwamu luko lwakwe Aseli. Wene wali mukoloci cuze, nupya watenzi niya imyaka cinimbali kufuma ku kutwalwa kwakwe.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

1 Timoti 3:12

Dikoni wamwi uvi alinzile kukwata muci wenga sile, alinzile kusunga ana na amu ng'anda yakwe ningo.

1 Timoti 3:8

Yadikoni amwi uvi nao kwene yalinzile kukwata mwata usuma nupya usi nu usomvi. Yene yatalinzile kuya akolesi nanti kuya nu lwiswa lwa mpiya.

1 Timoti 4:3

Antu yaa, yakasambilizya ukuti cisi cisuma kutwala, nupya yakainda kulya vyakulya vimwi. Lelo Leza waumvile vyakulya vii kuti vyaliwa ni ntaizyo kunoli na yao ataila nupya amanya cumi.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

1 Timoti 5:22

Utakalauka kwika makasa yako pa muntu umwi kuti umusolole atumikila Mwene. Utakumako ku maifyo ya antu yauze. Lelo wemo funtuka ku kukowela konsi.

1 Timoti 5:9

Mukamfwilwa wakupendelwa ku kwazwa awiyo ali ni myaka yakuvyalwa kuluta pa makumi mutanda, uwali uwa cumi kuli iya wakwe

2 Timoti 2:24

Muomvi wa Mwene atalinzile kulemanila. Wene alinzile kuya uwa luse kuli onsi, nupya aye kasambilizya musuma akateeka mwenzo.

Tito 2:2

Wakonkomezya aikolo ukuti yalinzile kutekela mu melenganyo. Yene yalinzile kuya a mpomvu mu utailo, mu kutemwa nga nu mu kuposya kwao.

Ayebulai 13:2

Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.

Ayebulai 3:14

Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

1 Petulo 4:9

Mwazengelana mu mang'anda inu kwaula kuilizyanya.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.