1 Timoti 2:4 - Amazwi Yakwe Leza 2013

⁴ wino akalonda umuntu wensi kuti atuulwe nu kumanya cumi.

1 Timoti 2:4 ပူးပေါင်းရင်းမြစ်များ

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 49:6

Yawe wavwanga wati, “Ukuya umuomvi wakututulula inko zyakwe Yakobo, nu kuwezya aina Izlaeli kwacepesya, kutakulinzile foo. Fwandi namalunda penepo nu kukucita uluswepo lwakukozezya ainamasi, apakuti ufyusi wane ufike uku mpela ya nsi.”

Ezaya 53:11

Apacisila ca macuzi yakwe, nupya angaca alole ukusansamuka, nu kusininkizya ukuti fwandi ataicuzizye sile foo, apakucula. Umucumi umuomvi wane umusuma nu kucula fwandi waculila aingi apakuyasenula asuma.

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Ezekelo 18:23

Nemo ne Yawe Simwandalali nkuuzya inti, ‘Uzye nemo ne Yawe nkasansamuka pakulola umuntu mwipe kuno wafwa?’ Ala asi vivyo foo, lelo nemo nkasansamuka pakulola umuntu mwipe kuno wazenzuka nu kuya nu umi.

Ezekelo 18:32

Nemo ne Yawe Simwandalali nalanda nati, nemo nsilonda ukuti umuntu nanti wenga akafwe. Fwandi mwemo tiini ukwifya, uleke muye nu umi.”

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Habakuku 2:14

Lelo insi nu kukwata umanyililo wa ucindami wakwe Yawe, ndi vino yayemba yakulu yazula amanzi.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Mako 16:15

Nawe ayanena ati, “Yangini mu nsi yonsi nu kukosola Ilandwe Lisuma ku antu onsi.

Luka 1:77

Ulamanyisya antu yakwe ukuti Leza alayelela maifyo yao, nga mu musango kwene uu amuno Leza alayatuulila.

Luka 14:23

Mwene nawe anena muomvi ati, ‘Pita mu miseo nu umu nzila zyamu mitengo nu kukuulizya antu kuti iize, pa kuti ng'anda yane izule.

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 17:17

Leka icumi ciyacite kuya akwako. Mazwi yako lyonsi acumi.

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Loma 11:14

Limwi mungaleka antu amu mutundu wane yuvwe uzuwa pakuti yamwi yatuulwe.

1 Timoti 4:10

Acino swemo tukalwisya nu kuombesya, nu kwezya kucimvya pamulandu wakuti twika upaalilo witu muli Leza wa cumi. Wene ali Katuula wakwe onsi, maka maka yao yonsi ataila.

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

2 Timoti 3:7

Anaci yaa, yakaezya lyonsi kusambilila cimwi cipya lelo yatangamanya cumi.

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Tito 2:11

Pano Leza wasokolola cikuku cakwe ca kutuula antu onsi.

Ayebulai 10:26

Pano ndi tukwifya ku mufulo nalino cumi cati cimanyikwa kunotuli lyene kutangaya impolelwa yakufumya maifyo itu.

Yakobo 3:14

Lelo ndi cakuti mu mwenzo muli uzuwa, muvimbila, kuitemwa, lyene mutaitumika pa mano inu nanti kufisa cumi mu kutumpoka kwinu.

2 Petulo 3:9

Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.

2 Yoane 1:1

Kufuma kuli ne Wikolo. Nkumulembela Mangu mukundwe nga na ana yakwe, yao yano natemwa mu cumi. Asi nene nenga nemuno namutemwa. Lelo na yonsi yano amanya icumi nao kwene yamutemwa,

Umbwilo 14:6

Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.