1 Tesalonika 5:3 - Amazwi Yakwe Leza 2013

³ Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

1 Tesalonika 5:3 ပူးပေါင်းရင်းမြစ်များ

Yobo 15:21

Impoma zya ngofyo zitalatala zite ukuvwika umu matwi yakwe. Nanti apupu kwene yakamuzanza insita ili yonsi ino wene atenekile.

Yobo 24:23

Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.

Masamu 35:8

Kayale yapongelele sile ukwaula nu kwenekela, yalemwe nu mwi sumbo kwene lino yatevile aeneco kwene nu kuponela muli polowe wino yimvile aeneco kwene.

Masamu 48:6

Fwandi ali vino intete zyayalemile iyaasela sile wa mwanaci ali mupipi nu kwelepa umwana,

Masamu 55:15

Awe nce, imfwa sile kile ize icilukizye zuwa anisi yane. Kayale yatelemukile sile atuntulu uku cifulo ca afwe! Ee cumi, pano uyi auno wazula umu mang'anda yao nu mu myenzo yao.

Masamu 69:22

Leka amalila yao yayalye. Na manda makulu yao, aluzango, yayaletelele!

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Ezaya 20:6

Mu wanda ulya antu aikala mu nkumba yakwe yemba yalavwanga yati, ‘Silolini vino caya ku antu yayo yano twasintililemo. Swemo twatailanga ukuti ayano yalatwazwilizya nu kutukulula ku mwene waku Asilya! Owe mwe! Uzye lyene swemo tulapusuka uli?’”

Ezaya 29:5

We Yelusalemu, ala anisi yako yonsi yano yakakuzanza yakaulululwa sile wa lutukumbu, ni vita vyao vyamaka vilululwa sile wa lukungu, wemo ukwaula nu kuti wenekele foo.

Ezaya 30:13

Caleka mwemo mwakwatila umulandu. Mwaya wi linga ilitali, lino lyalanga ukufuma ukupela mpaka na pansi. Muliukila sile mwatimuongoloka na pansi.

Ezaya 47:11

Ala nkukunena umupamba ulakuponela, uno wemo ulaposiwa nu kuutuka, uno ni vizimba vyako vilaposiwa ukuomba. Uzanzo ulakuponela cakuti patalaya icakukukulula. Impungo ya ononyi ilakupumikizya, ino wemo utatala welenganya umu mano yako.

Ezaya 47:9

Amasyamo yaa yoili kwene uliukila sile kuno yakuponela, nupya apa wanda uli onga kwene. Nanti wemo ungapanda amalele uli, nu kukwatisya ivizimba, awe cumi ulafwilwa ana, nu kusyala mukamfwilwa.

Ezaya 56:12

Intunguluzi zimwi zikolesi izikavwanga zikuti, ‘Katwalya sile nu kumwa waini umukalipisye apakuti tukolekesye! Mutondo lyene tulacizyapo.’ ”

Yelemiya 13:21

Uzye lyene mulalanda uli lino antu kwene yayo yalamufutuka yatandike nu kumuteeka, antu yano mwelenganyanga ukuti ali yacuza inu? Kwene cilamuwaya vivi kwene vino umwanaci akauvwa apakulela.

Yelemiya 14:19

We Yawe uzye watututazyela sile swe ina Yuda? Uzye watutupatilila sile swe ina Zioni? Uzye pacani cino watutimbwilila vii, ukali ukali cakuti twaposiwa nu kupola? Swemo twalondanga ukuikalila swenga ku matwi cele, lelo kutaya icuma nanti conga cino caloleka penepo. Swemo twalolelanga sile ukupola, lelo twikalila sile ukusokondwa.

Yelemiya 22:23

Wemuno wakwata icifulo cako uku Lebanoni, ni cinsanzo cako umu miti mikelide, iyee mwe lyene vino ulateta lino amacuzi yalakuponela, kwati ucuzi wa mwanaci wino ali pipi nu kulela.

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Yelemiya 6:14

Yene yakanyepela icilonda ca antu yane mu kusakaizya ala yakuti, ‘Ulongo, ulongo,’ nalino kusi ulongo.

Yelemiya 6:24

Antu amu Yelusalemu yakuti, “Twatituvwa ilandwe lyapali alio, nga na makasa itu yatovoka. Intete nazyo zyatizitulema. Cikutunyongoloka kwati umwanaci wino ali pipi nu kulela.

Yelemiya 8:11

Yene yakanyepela icilonda ca muntu wane umu kusakaizya, ala yakuti, ‘Ulongo, ulongo, nalino kusi ulongo.

Ezekelo 13:10

“Pano yakasomba sile antu yane yati, ‘Kuli ulongo.’ Nalino kusi foo. Nalino antu yane yakuula ilinga lyaula kukoma nga yakasema yiza yalikupawila na cipau.

Oseya 13:13

Wene akunyunguluka wa mwanaci wino ali pipi nu kulela. Izlaeli wapelwa insita nayuze yakuya umumi. Lelo wene iciwelewele sana, cakuti aposiwa nu kumanya cico, wa mwana akanya akali pipi nu kuloleka. Lelo lino insita yakako yakuvyalwa yapalama, kene katakasi ukufuma mu ndilwa.

Naumi 1:10

Wa myunga ipombane nupya wa vipelele, mwe antu akolesi mulociwa nu moto!

Mateo 23:33

“Mwe nzoka mwe! Mwe ana ya nzoka mwe! Uzye mulapusuka uli ku uvunuko uwamu Gehena?

Yoane 16:21

Lino umwanaci ali pipi nu kuvyala, akaya nu ulanda pano kasita kakwe ka ucuzi ala kati kiiza. Lelo lino mwana wavyalwa, umwanaci asyaiusya kucula kwakwe, pano ali ni nsansa pamulandu wa kuvyalwa kwa mwana mu nsi.

Milimo 13:41

‘Lolini, mwe antu amisowe! Zungukini nu kulowa! Pano lino muli aumi musyakutaila cintu cino nkucita ilelo, nanti angala umwi walondolola kunomuli!’”

Malango 29:19

Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

2 Tesalonika 1:9

Uvunuko wao ulaya ulovyo umalilike, uwa kupatululwa ku Mwene nu ku maka yakwe alulumbi.

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

2 Petulo 2:4

Leza atapanyizye angeli yano aiifizye. Lelo wayanyepa nu kuyasumbila mu Gehena mu ciwina ca mfinzi, anyepwe yakalolela upinguzi.

Yakapingula 8:11

Gidyoni alondela umuseo lwaku lutwe lwa lwanga, ku ufumondaka wa Noba na Yogobeya, nga mukupumikizya azanza ivita vya anisi.