1 Tesalonika 4:9 - Amazwi Yakwe Leza 2013

⁹ Citakulondekwa kumulembela pakutemwa kuno mwe muno mwataila mulinzile kutemwana. Mweisikulu Leza wamusambilizya vino mulinzile kutemwana.

1 Tesalonika 4:9 ပူးပေါင်းရင်းမြစ်များ

Masamu 133:1

Lolini vino cazipa navino cazanzya antu yakwe Leza, ukwikala pamwi wa cina nyina!

Ezaya 51:13

Uzye limwi mwatimwilila Yawe wino wamupanzile? Wiyo wino wanzika amayulu nu kusimpa insi ii? Uzye pacani cino mungikalila ntetentete amanda yonsi, umukoopa sile ukali wa antu akamucuzya, akalonda ukumulovya?

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Aina Levi 19:8

Muntu wensi wino walya inyama ya mpolelwa iyo ali nu kupelwa mulandu wa kucita icapaatwilwa kunondi ukuya icintu casilesile. Muntu wiyo alinzile kusukulwa mu antu yane.

Mateo 22:39

Na lyakwe ciili likoline na lii, nalyo likati, ‘Uwatemwa umuzo ndi vino waitemwa.’

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

Loma 12:10

Mwatemwana cuze ndi vino aina Klistu yalinzile kutemwana, nupya mwacindikana.

2 Kolinto 9:1

Citakulondekwa kuti mulembele pamulandu wa kwazwa kuno mwapanga kupeela ku antu yakwe Leza amu Yudeya.

Filipi 3:15

Swensi kwene swe muno twakula ku vya mupasi tulinzile kukwata kwelenganya kuu. Lelo ndi yamwi munomuli yakweti kwelenganya kuze, Leza alalenga kuti cii cimanyikwe paswe kunomuli.

1 Tesalonika 5:1

Inane, citakulondekwa kuti mulembele pamulandu wa kasita nanti Wanda lino vii vyonsi vilacitika.

Ayebulai 10:16

“Uu uli upangano uno ndacita nao mu manda akwiza. Ndika masunde yane mu myenzo yao nu kuyalemba mu melenganyo yao.”

Ayebulai 13:1

Mwatwalilila kutemwana wa ina Klistu.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

2 Petulo 1:7

Ku kuipelesya ku umi wa kupepa Leza ungilizyini kutemwana kwa wina. Alino ku kutemwana kwa wina ungilizyini kutemwa antu onsi.

1 Yoane 2:10

Wino wensi akatemwa umwina wakwe wene ali mu luswepo, nupya munoli musi cimwi icingalenga umuntu umwi kwifya.

1 Yoane 3:11

Landwe lino muvwile kufuma ku utandiko likati mulinzile kutemwana.

1 Yoane 3:23

Ilamulo lino watupeela ilyakuti tutaile mu Mwana wakwe Yesu Klistu nga nu kutemwana ndi vino Klistu watupile ilamulo.

1 Yoane 4:21

Ilamulo lino Klistu watupeela likati wino wensi uwatemwa Leza wene alinzile kutemwa nu mwina wakwe kwene.