1 Tesalonika 4:4 - Amazwi Yakwe Leza 2013

⁴ Umonsi wensi alinzile kumanya vino angikala nu muci wakwe muli umuzilo kwaula kumuzewanya.

1 Tesalonika 4:4 ပူးပေါင်းရင်းမြစ်များ

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Loma 1:24

Acino Leza wayafutatila kuti yangacita vya nkota vya lunkumbwa lwa myenzo yao, yasuke yacitilana ni vya nsonyi vya kusausya miili yao.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Loma 6:19

Nkuomvya cilangililo ca uzya lino nkulanda kunomuli kuti muvwikisye vintu vii. Apa nsita imwi mwaipelisye ku kuya azya amicitile ikowele nga nu ukakasi pamulandu wa melenganyo inu aukakasi. Vivyo kwene, ndakai muipelesye ku kuya azya akacita vyawololoke pakuti mwatumikila Leza mu vyamuzilo.

1 Kolinto 6:15

Mwamanya vino mili inu ivilundwa vya mwili wakwe Klistu. Uzye icisuma ndi natola cilundwa ca mwili wakwe Klistu nu kuti ciye cilundwa ca mwili wakwe cizelele? Citangacitika!

1 Kolinto 7:2

Lelo pamulandu wa kuti kucita ulenzyo kwati kukula cuze, umonsi wensi alinzile akwate muci wakwe, nga nu mwanaci wensi alinzile akwate iya wakwe.

1 Kolinto 7:9

Lelo ndi mutangaikanya mweisikulu, cingazipisya mule mutwale nanti mutwalwe, pamulandu wa kuntaikanya kwinu. Cazipisya kutwala nanti kutwalwa kuluta kuya ni mbunu.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

1 Petulo 3:7

Mu musango uli onga kwene mwe onsi namwe mulinzile kwikala na aci inu nu kumanya ukuti yene antu atonte kuluta mwemwe. Mwayacindika, pano yene pali pamwi namwe mulapelwa umi wape. Uu, uli wila kufuma kuli Leza. Citini cii pakuti kutaya cintu cimwi cakumuvulunganya mu mapepo inu.

1 Samueli 21:5

Davidi nawe pali pakuvwanga ati, “Cumi kwene, tutazumiliziwa kumanyana na yamangu lino twatenuka ukuya ku nkondo nanti inkondo isi yamuzilo kwene. Nga uzye ilelo lyene yatanga yalusye ukucita cico lino tuli pa mulimo ukalambane ndi uu!”