1 Samueli 9:21 - Amazwi Yakwe Leza 2013

²¹ Saulo nawe aasuka ati, “Lelo nemo nene uwa mutundu wakwe Benjamini, umutundu uwasyalikila sana pa mitundu ya ina Izlaeli nga luko lwane ululi luko ulunono ukuluta pa nko zya ina Benjamini. Uzye apacani mwanenela amazwi amusango ndi uu?”

1 Samueli 9:21 ပူးပေါင်းရင်းမြစ်များ

Masamu 68:27

Apano yali yakwe Benjamini akaluko kanono, ayano yakolezile nga alino palondelela intunguluzi zya Ayuda, pamwi ni uvi lyao. Nga pali alio napo palondelelela intunguluzi zya ina Zebuluni ni zya ina Nafutali.

Masamu 68:28

Leza ale langa amaka yako yano waomvizye apakutupususya.

Oseya 13:1

Uku mpiti lino aluko lwakwe Efulemu yavwanzile, imitundu yuze ya ina Izlaeli yuvwile intete. Yene yacindike aluko lwakwe Efulemu. Lelo antu yifizye apa kupepa Baali, nga yavunwikwe pa kucita cico.

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

1 Samueli 10:27

Lelo intalanganyi zimwi zivwanga iziti, “Uzye umuntu kwene wii angatutuula uli?” Yene yasuuzile Saulo nupya yatamuletile nanti uwila umwi. Lelo wene wasuuzile sile.

1 Samueli 14:51

Kisyi isi wakwe Saulo nga na Neli isi wakwe Abineli yali ana yakwe Abiyeli.

1 Samueli 15:17

Samueli nawe amunena ati, “Nanti angala mpiti wailolanga wemwisikulu wa muntu umucepesye pa antu, ala wewe uli ntunguluzi ya mitundu yonsi iya ina Izlaeli. Yawe, uwakulasike utesi pa ina Izlaeli.

1 Samueli 18:18

Davidi nawe pali pakunena Saulo ati, “Uzye nene weni, nanti ang'anda yane na aluko lwane, uzye yene aweni muno mu Izlaeli pakuti nene nje umukwi ku wene?”

1 Samueli 18:23

Acino nayo iyanena Davidi amazwi ya. Lelo Davidi nawe avwanga ati, “Uzye mwemo mukwelenganya ukuti ukuya umukwi wa mwene icintu cimwi cinono? Nemo nene mupina nupya nene muntu umwi wino atalumbuka.”

1 Samueli 9:22

Lyene Samueli pali pakusenda Saulo pamwi nu muomvi wakwe, nu kuyasezya umwakuliila. Ayapeela ni ncende icindamisye pa antu yonsi yano yamilwe, yao angafika nu ku mpendwa ya makumi yatatu.