1 Samueli 9:12 - Amazwi Yakwe Leza 2013

¹² Akazyana nayo iyaasuka iyati, “Amuno ali. Ali pankolelo inu, mupitisye sile. Ali lino wali wacifika mu musumba pamulandu wakuti ilelo kwene lii ali lino antu yamapeela impolelwa pa kavuwa pa mwamba.

1 Samueli 9:12 ပူးပေါင်းရင်းမြစ်များ

Utandiko 31:54

Akoma ni nyama, nga apeela impolelwa pa mwamba, aama na antu yakwe ku cakulya. Alino yalya nga pacisila yalala indo pa mwamba papela.

1 Milandu 16:39

Davidi asya simapepo Zadoki na yasimapepo yauze ukwi Taalu lyakwe Yawe, apa ncende yakupepela penepo uku Gibyoni.

1 Samueli 10:5

“Pacisila cakwe vivyo umaya ukaluleme nu kuya ku Gibeya, umwamba wakwe Leza kuko kuno kuli nkambi ya ina Filisti. Lino umaya ukapalame ku musumba, waya komenkanya akaliumba kakwe yakasema yano yakuweluluka ukufuma ku kavuwa pa mwamba. Lilyo ale yakulizya yabanjo, tungoma, imitolilo nga na yababatoni, alino nu kusema ale yakusema.

1 Samueli 16:2

Lelo Samueli nawe avwanga ati, “Uzye ningaya kweneko uli? Saulo nga wanguvwile kweneko, wene alankoma.” Yawe nawe amunena ati, “Senda umwana wa ng'ombe, indama, uye ukalande uti wiza ku kupeela impolelwa kuli Yawe.

1 Samueli 2:35

Ndailondela nenga simapepo uwampomvu wino alaomba vyonsi vino nkulonda. Indamupeela ana, yano yalaatumikila lyonsi pa manso yakwe kateeka wino nasolola.

1 Samueli 20:6

Ndi cakuti so waca walola ukuti insi penepo, uce umunene uti, ‘Davidi nu mwenzo wakwe onsi wandenzile insambu iya kuya ku Betelemu, ku musumba wa kumwao, pamulandu wakuti kuli ukupelelako aluko lwakwe impolelwa iya cila mwaka.’

1 Samueli 7:17

Alino lyene aswilila ukwakwe ku Lama, kuno nako kwene watumikilanga wakwe kapingula. Ku Lama kwene akuli kuno Samueli wakuulile Yawe kavuwa.