1 Samueli 7:17 - Amazwi Yakwe Leza 2013

¹⁷ Alino lyene aswilila ukwakwe ku Lama, kuno nako kwene watumikilanga wakwe kapingula. Ku Lama kwene akuli kuno Samueli wakuulile Yawe kavuwa.

1 Samueli 7:17 ပူးပေါင်းရင်းမြစ်များ

Utandiko 33:20

Akuula kavuwa, nga akatemela izina Eli Eloe Izlaeli, kuli kuti Leza wane, Leza wakwe Izlaeli.

Utandiko 35:7

Akuula kavuwa kuku, nga atemela cifulo cici izina ati Eli Betele, pamulandu wakuti apali pano Leza walolike kunoli lino wali pa ulendo, kuutuka silenzi.

Ezaya 10:29

Yalapita umu mupokapoka ulya, nu kutuwilizya sile usiku uku Geba. Antu amu musumba wa Lama yalazakaza. Amu musumba waku Gibeya, umusumba wakwe Saulo, yaluutuka!

Yakapingula 4:5

Wikalanga umwisika lya kancindu kamwi kakwe Debola akayelile apakasi ka musumba wa Lama nu wa Betele, mu mpanga ya myamba yakwe Efulemu. Lyene aina Izlaeli nao yayanga kuku kunoli ku kupingulwa.

Yakapingula 6:24

Acino Gidyoni akuulila Yawe kavuwa kuku nga akatemela izina ati, “Yawe uli mutende kwene.” Na kavuwa kaka apano kacili ku Ofula, umusumba wa luko lwakwe Abiezeli.

1 Samueli 1:1

Kwali umuntu umwi uwamu mutundu wakwe Efulemu, izina lyakwe wali a Elikana. Wikalanga mu musumba uwamwangwa Lamataimu. Wene wali umwina Zufi uwafumile ku mpanga yakwe Efulemu, impanga iya myamba. Wene wali umwana wakwe Yeloamu, umwana wakwe Eliu, umwana wakwe Tou, umwana wakwe Zufi, umwina Efulemu.

1 Samueli 1:19

Katondotondo pa wanda uwalondelilepo iyakatuka nga iyapepa kuli Yawe, nga lyene iyaswilila kumwao ku Lama. Elikana pali pakumanya umuci wakwe, nga Yawe aasuka ipepo lyakwe Hana.

1 Samueli 11:15

Acino yonsi kwene iyaya ku Giligali, nga kuku kwene pa manso yakwe Yawe iyazengela uwene wakwe Saulo. Kuku kwene akuno yaile yapeela impolelwa izyacuvwano pa manso yakwe Yawe, nga Saulo na ina Izlaeli yonsi iyazevya uwanda uwo wakwe cimwi.

1 Samueli 14:35

Lyene Saulo akuulila Yawe kavuwa, nupya kali a kavuwa kakutandika kano wene wakuulile Yawe.

1 Samueli 15:34

Lyene Samueli afuma ku Lama, lelo Saulo atumbela ukwakwe ku musumba waku Gibeya.

1 Samueli 2:11

Lyene Elikana aswilila ku Lama, lelo umwana wilya asyala akutumikila Yawe ala akwangalilwa na simapepo Eli.

1 Samueli 28:3

Pa nsita ilya walanga Samueli wafwa, na ina Izlaeli yonsi yamulosizye nga iyamuzika umu Lama, umusumba wa kumwao. Saulo wazinzile yancimya na yakasapoola yonsi umu mpanga ya Izlaeli.

1 Samueli 8:4

Icalenzile intunguluzi zya ina Izlaeli ukukomenkana pakuyalola Samueli ku Lama.

1 Samueli 9:12

Akazyana nayo iyaasuka iyati, “Amuno ali. Ali pankolelo inu, mupitisye sile. Ali lino wali wacifika mu musumba pamulandu wakuti ilelo kwene lii ali lino antu yamapeela impolelwa pa kavuwa pa mwamba.