1 Samueli 6:9 - Amazwi Yakwe Leza 2013

⁹ Lelo musumbeko amano nu kulola. Ndi cakuti icikocikala cici calungama ku musumba wa Beti Syemesyi, ale lyene Yawe watatuponyezya uzanzo uu ukulu. Lelo ndi cakuti citalungime kweneko, ale lyene tumamanya ukuti asi aliwe uwatuponyesizye uzanzo. Lelo cali sile wa mankomenkanya.”

1 Samueli 6:9 ပူးပေါင်းရင်းမြစ်များ

2 Samueli 1:6

Nawe amwaasuka ati, “Cali sile nsula ala indi pa Mwamba wa Giliboa nga ndola Saulo ala watasintilila isumo lyakwe. Lyene papo kwene ndola amaceleta yakwiza alino na antu akwezile pa mfwalasi yamulungime kuti yakamuvwangatile nu kumulema.”

1 Yamwene 4:9

Beni Dekeli wangalilanga ku misumba ii: Makazi, Syaalabimu, Beti Syemesyi na Eloni Betianani.

2 Milandu 25:21

Acino Yeoasyi umwene wa ina Izlaeli aya ku kulwa inkondo na Amaziya umwene waku Yuda ku Beti Syemesyi.

Kufuma 8:15

Lelo lino Falao walola ukuti yacula yafwa, nupya kwene akoma umwenzo, wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Luka 10:31

Kwaula kwenekela simapepo umwi apita mu museo kwene ulya. Lelo lino walola umuntu, amupambata.

Yoswa 15:10

Alino lyene ukufuma ku Baala umupaka ulya iupetukila ku Mwamba wa Seili lwaku uwondaka, iupita kuya lwaku mutentemuko waku katutu ka Mwamba wa Yealimu (kuli kuti, Kesaloni), nga iutwalilila lwa kwisika ku Beti Syemesyi nga iulambila ku Timinaa.

Yoswa 21:16

Aini, Yuta nga nu wa Beti Syemesyi, kumwi ni mpanga yakweyo yamulemvwe iyakucemela mwenemo. Imisumba ino yapilwe ukufuma ku mitundu ii iili yonsi pamwi yali fundimbali.

1 Samueli 6:10

Acino iyacita vivyo. Iyatoola ing'ombe ziili nu kuzinyepela icikocikala nga iyayalila nu twana twa ng'ombe umu citata.

1 Samueli 6:12

Lyene ing'ombe zizi izilungama ku Beti Syemesyi, izisonta sile papa kwene nupya zila zikulila nzila yonsi. Zyene zitapetukile nanti kuze. Intunguluzi zya ina Filisti nazyo zila zilondelile ukufika nu ku mupaka wa Beti Syemesyi.

1 Samueli 6:3

Nayo iyaasuka iyati, “Ndi cakuti mwaswilizya Mbokosi ya Upangano yakwe Leza wa ina Izlaeli, ale lyene mutaiswilizya sile minwe. Lelo apakuiswilizya mulinzile mwika penepo nu wila wa cizumila mulandu uwa kulipa kuli Leza wa ina Izlaeli. Lyene ali lino mulapoziwa nu kumanya icalenga kuti Yawe atata ukumuvunuka.”