1 Samueli 6:5 - Amazwi Yakwe Leza 2013

⁵ Mulinzile mwapanga unkolanya wa vipute na wakwe yakuza yano yakonona impanga, nga mucite umucinzi kuli Leza wa ina Izlaeli. Kusuka manye wata ukumucuzya nu kucuzya tuleza twinu kumwi ni mpanga inu.

1 Samueli 6:5 ပူးပေါင်းရင်းမြစ်များ

1 Milandu 16:28

Lumbanyini Yawe, mwe antu amu mitundu yonsi, lumbanyini ululumbi na maka yakwe.

1 Milandu 16:29

Lumbanyini izina lyakwe Yawe ilya lulumbi. Izini na mawila uku Ng'anda yakwe ikulu, kontamini inkolelo yakwe Yawe, nu kumupepa mu lulumbi lwa muzilo wakwe.

Masamu 18:44

Lilyo kwene lino yuvwa izwi lyane, yanjela, ainamasi yakaiza kunondi nu kumfukamila.

Masamu 32:4

Umusanya nu usiku wemo wankalipilanga, nu ku mwenzo wane ikusuka ikuma wa nsawa zya cisanya.

Masamu 39:10

Utatwalilila ukuncuzya nupya! Pano namaifwila sile lyene uku vyumo vyako!

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Kufuma 12:12

“Pa wanda ulya usiku ndasalala mu mpanga ya Eguputo nu kukoma umwana wi yeli wensi umonsi. Iyeli lya muntu nga ni yeli lya nyama kwene ndakoma. Ndavunuka tuleza tonsi twamu Eguputo. Nene indi Yawe.

Kufuma 8:17

Caleka Aaloni auma pa lutukumbu ni intuwa yakwe, nu lukungu lonsi lwamu mpanga ya Eguputo lusanguka luya inkufu. Inkufu zikunga antu ni nyama kwene.

Kufuma 8:24

Lyene Yawe acita wakwe vino Mose wanenyile Falao ukuti ali nu kucita. Kuya vizembele kwi isano lyakwe Falao nu mu mang'anda yakwe yacilolo yakwe. Impanga ya Eguputo yonsi iyononeka ku vizembele.

Kufuma 8:5

Yawe anena Mose ati, “Nena Aaloni akonzolole ikasa lyakwe asonte intuwa yakwe pa nguzi, pa mifolo ya manzi, na pa viziya, nu kulenga kuti yacula yafume mu luzi yalimbe impanga yonsi ya Eguputo.”

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Ezaya 42:12

Lekini yalumbanye Yawe, nu kumutakizya umu mpanga zyakutali.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Yona 3:9

Nalimwi Leza angasenula ipange lyakwe, nga nu luse azusye ukali wakwe ukulu pakuti tutalowa.’ ”

Malaki 2:2

‘Mulinzile ukuncindika muli vino mukucita. Ndi cakuti mutaluvwa kuli vino nkumunena, lyene ndamuponyezya icitipu. Ndaponyezya icitipu pa vintu vino mukapokelela vyakutungilila wikazi winu. Endi, natimviponyezya icitupu mpiti, pamulandu wakuti mwemo mutisile amano api lamulo lyane.

Mpendwa 33:4

ala yakuzika na ana yao amayeli yano Yawe wakomile. Pa kucita vii, Yawe walanganga ukuti wene wakwatisya amaka ukuluta tuleza twa ina Eguputo.

Yoane 9:24

Afaliseo nupya yaama umuntu iila lyakwe ciili, wino uwali impafu, alino yamunena yati, “Lumbanya Leza! Twati tumanya vino umuntu wino watakupozya wene akaifya.”

Yoswa 7:19

Lyene Anena Akani ati, “Uwi mwanane, sungala ulande icisinka pa manso yakwe Yawe Leza wa ina Izlaeli nga wemwisikulu uilongwele kunoli. Unene sile vino watucita, utezya umfise nanti kamwi.”

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Umbwilo 14:7

Alino avwanga ni zwi likulu ati, “Oopini Leza nu kulumbanya ukulu wakwe! Pano insita yatifika yakuti wene apingule antu! Pepini wino uwaumvile iyulu ni nsi, yemba nu tufukoka twa manzi.”

Umbwilo 16:9

Antu yapya ni cikaililwa cikali cuze, nga yavwanga mazwi ya miponto kuli Leza wino uwakwata maka pa vilumbelo vii. Lelo yatazenzwike ku maifyo yao kuti yalumbanye Leza.

1 Samueli 5:11

Acino nupya kwene iyakonganika intunguluzi zyonsi izya ina Filisti nga yavwanga iyati, “Fumini Mbokosi ii iya Upangano yakwe Leza wa ina Izlaeli nga muiswilizye kuno mwaifumizye, pakuti itatukoma pamwi na antu itu.” Pasi pano lyene calesile intete izikalamba sana pamulandu ni imfwa izyacitikanga mu musumba ulya.

1 Samueli 5:9

Lelo pacisila lino yaitwala kuku, Yawe nawe avunuka aikazi amu musumba ulya, ance na ikolo kwene, ayaponyezya ivipute.

1 Samueli 6:8

Alino musende Mbokosi ya Upangano yakwe Yawe nu kuyika mu cikocikala. Lyene mwike amawila yakwe zaabu, yano mukumutumila wa wila wa cizumila mulandu, mu mbokosi yuze nga muyike mupipi ni Mbokosi ya Upangano yakwe Yawe. Alino lyene muleke icikocikala cipite conga.