1 Samueli 6:4 - Amazwi Yakwe Leza 2013

⁴ Aina Filisti nayo iyuzya iyati, “Uzye fwandi uwila ci uwa cizumila mulandu uno tungamutumila?” Nayo iyaasuka iyati, “Utumawe tusano twakwe zaabu utukoline ni vipute nga natuze tusano utukoline na yakuza. Mukavilinganye ni mpendwa ya ntunguluzi zya ina Filisti, pamulandu wakuti icilumbelo icili cimwi kwene caponiile pali mwemwe na pa ntunguluzi zinu kwene.

1 Samueli 6:4 ပူးပေါင်းရင်းမြစ်များ

Kufuma 12:35

Aina Izlaeli iyacita wakwe vino Mose wavwanzile. Iyalenga aina Eguputo viyembelo vino vyapangilwa na zaabu na siluva nga ni vyakuzwala.

Yoswa 13:3

ukufuma ku Luzi lwa Syioli lwaku ufumondaka wa Eguputo ukufika nu ku mpanga ya Ekiloni ku katutu, yonsi kwene ino ikapendwa wa mpanga ya ina Kenani (ili mpanga yakwe yamwene yasano ya ina Filisti ateekanga mu Gaza, mu Asyidodi, mu Asyikeloni, mu Gati nu mu Ekiloni, impanga ya ina Avimu.)

Yakapingula 14:19

Lyene mukupumikizya umupasi wakwe Yawe wikila na maka panoli. Alino atentemukila ku Asyikeloni, akuno aya akoma antu amakumi yatatu,

Yakapingula 3:3

Yao asile mu mpanga ilya yali aikazi amu misumba isano ya ina Filisti, na ina Kenani yonsi, na ina Sidoni, na ina Hivi aikalanga mu myamba yaku Lebanoni. Ukutandikila lwaku Mwamba wa Baali Helimoni ukufika pa wingililo wa Lebo Hamati.

1 Samueli 5:12

Na yao apuswike ku kukanafwa yalwile ivipute, nga na antu yakuta kuli yaleza yao kuti yayatuule.

1 Samueli 5:6

Alino lyene Yawe avunuka aina Asyidodi wakwe cimwi nu kuleka yuvwe intete sana. Wene wayavunwike apakuyaponyezya ivipute kumwi na antu amu tumisumba tonsi utwazingulwike.

1 Samueli 5:9

Lelo pacisila lino yaitwala kuku, Yawe nawe avunuka aikazi amu musumba ulya, ance na ikolo kwene, ayaponyezya ivipute.

1 Samueli 6:5

Mulinzile mwapanga unkolanya wa vipute na wakwe yakuza yano yakonona impanga, nga mucite umucinzi kuli Leza wa ina Izlaeli. Kusuka manye wata ukumucuzya nu kucuzya tuleza twinu kumwi ni mpanga inu.

1 Samueli 6:8

Alino musende Mbokosi ya Upangano yakwe Yawe nu kuyika mu cikocikala. Lyene mwike amawila yakwe zaabu, yano mukumutumila wa wila wa cizumila mulandu, mu mbokosi yuze nga muyike mupipi ni Mbokosi ya Upangano yakwe Yawe. Alino lyene muleke icikocikala cipite conga.