1 Samueli 6:3 - Amazwi Yakwe Leza 2013

³ Nayo iyaasuka iyati, “Ndi cakuti mwaswilizya Mbokosi ya Upangano yakwe Leza wa ina Izlaeli, ale lyene mutaiswilizya sile minwe. Lelo apakuiswilizya mulinzile mwika penepo nu wila wa cizumila mulandu uwa kulipa kuli Leza wa ina Izlaeli. Lyene ali lino mulapoziwa nu kumanya icalenga kuti Yawe atata ukumuvunuka.”

1 Samueli 6:3 ပူးပေါင်းရင်းမြစ်များ

Yobo 10:2

We Leza! Utampela umulandu. Nene sile nemo imanye umulandu uno nakutala.

Kufuma 23:15

Mwazevya Cimulo ca Mukate usi na Citutumusi. Wakwe vino namupiile ilamulo mwalya umukate usi na citutumusi pa manda cinimbali mu mwezi wakwe Abibu, pa nsita ino cikacitikila, pamulandu wakuti mu mwezi kwene uwo alino mwafumile mu Eguputo. Kusi umuntu wakwiza ku ng'anda yane minwe.

Kufuma 34:20

Lelo mwakulula umwana wi yeli wakwe punda, pakupeela suuku mu cifulo cakwe. Mwavuna mwana punda insingo ndi mwaposiwa kumukulula. Mwakulula umwana wensi wi yeli umonsi. Kusi umuntu nanti wenga wakwiza ku kulolekela ku manso yane kwaula cimwi mu minwe ca mawila.

Kufuma 8:15

Lelo lino Falao walola ukuti yacula yafwa, nupya kwene akoma umwenzo, wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 6:6

Alino alete uwila wa cizumila mulandu kuli simapepo, uye uwila kuli Yawe. Wene ulinzile uye suuku uwaula ulema, nga wewe kwene ulinzile kwika umutengo wakwe kulingana nu mutengo wa wila wa cizumila mulandu.

Malango 16:16

“Fwandi aonsi yonsi amu luko lwinu yalinzile yiiza ku kulongana nu kupepa Yawe amaila yatatu pa mwaka pa ncende yonga iya kupepela penepo, pa nsita ya Cimulo ca Mukate usi na Citutumusi, ni Cimulo ca Uzombozi, nga ni Cimulo ca Nsakwe. Cila muntu alinzile ukuleta uwila

1 Samueli 5:11

Acino nupya kwene iyakonganika intunguluzi zyonsi izya ina Filisti nga yavwanga iyati, “Fumini Mbokosi ii iya Upangano yakwe Leza wa ina Izlaeli nga muiswilizye kuno mwaifumizye, pakuti itatukoma pamwi na antu itu.” Pasi pano lyene calesile intete izikalamba sana pamulandu ni imfwa izyacitikanga mu musumba ulya.

1 Samueli 5:7

Lino aonsi amu Asyidodi yalola icikucitika, yavwanga iyati, “Leza wa ina Izlaeli akuvunuka sweswe nga na Dagoni leza witu. Mbokosi ya Upangano yakwe Yawe italinzile kwikalilila kuno.”

1 Samueli 5:9

Lelo pacisila lino yaitwala kuku, Yawe nawe avunuka aikazi amu musumba ulya, ance na ikolo kwene, ayaponyezya ivipute.

1 Samueli 6:8

Alino musende Mbokosi ya Upangano yakwe Yawe nu kuyika mu cikocikala. Lyene mwike amawila yakwe zaabu, yano mukumutumila wa wila wa cizumila mulandu, mu mbokosi yuze nga muyike mupipi ni Mbokosi ya Upangano yakwe Yawe. Alino lyene muleke icikocikala cipite conga.

1 Samueli 6:9

Lelo musumbeko amano nu kulola. Ndi cakuti icikocikala cici calungama ku musumba wa Beti Syemesyi, ale lyene Yawe watatuponyezya uzanzo uu ukulu. Lelo ndi cakuti citalungime kweneko, ale lyene tumamanya ukuti asi aliwe uwatuponyesizye uzanzo. Lelo cali sile wa mankomenkanya.”