1 Samueli 6:2 - Amazwi Yakwe Leza 2013

² aina Filisti iyama yasimapepo yao pamwi na yakasema nu kuyuzya iyati, “Uzye tungacita uli pa Mbokosi ya Upangano yakwe Yawe? Tunenini vino tungacita apakuiswilizya kuno yafuma.”

1 Samueli 6:2 ပူးပေါင်းရင်းမြစ်များ

Utandiko 41:8

Lino kwaca katondo Falao asakamala cuze. Caleka aama amamanyamano na antu yamano yonsi amu Eguputo nga ayalotwela viloto, lelo kutali nanti wenga wakuti angilula muno viloto viile.

Kufuma 7:11

Lyene Falao atuma akuya ama antu yakwe, amamanyamano na amalele. Alino aina Eguputo yalya mu malele yao yeleuzya vino Aaloni wacisile.

Ezaya 2:6

Umu cumi, watutazyela antu yako, amu mupanda wakwe Yakobo. Mu mpanga mwatimuzula yasin'ganga yaufi, ukufuma uku ufumondaka, uku mpanga ya ina Filisti. Antu lyene yambukilwa ni misango ya inamasi.

Danieli 2:2

Acino umwene atuma akuya aama amamanyamano, yakasapoola, alozi na yayo akasambilila vikumile intanda kuti yize yamunene iciloto cino walosile. Lino yene yiza yimilila inkolelo ku mwene,

Danieli 5:7

Lyene umwene apunda kuti umwi amwamile amamanyamano, na yao akasambilila vikumile intanda, na yao akauzya ku mipasi. Nayo lino yiza, umwene ayanena ati, “Ali wensi wino angawelenga ivilembo vii nu kundondolwela muno viile alazwikwa umwingila usuma wa ene, na kamunyololo kakwe zaabu umu nsingo, nga alalasikwa apa cifulo cakwe kateeka wakwe citatu umu wene wane.”

Mateo 2:4

Lyene akonganika yasimapepo akalamba yonsi na yakasambilizya ya Masunde, ayauzya ati, “Aukwi kuno Katuula uwalavilwe ali nu kuvyalilwa?”

1 Samueli 5:8

Acino iyakonganika intunguluzi zyonsi zya ina Filisti nga iyayuzya iyati, “Uzye tumacita cani ku Mbokosi ii iya Upangano yakwe Leza wa ina Izlaeli?” Nayo iyaasuka iyati, “Tumini akuti yaitwale ku Gati.” Acino iyatwala Mbokosi ilya ku Gati.

1 Samueli 6:1

Lino Mbokosi ya Upangano yakwe Yawe yatenzi mu mpanga ya ina Filisti pa myezi cinimbali,