1 Samueli 6:17 - Amazwi Yakwe Leza 2013

¹⁷ Amaunkolanya ya vipute yakwe zaabu yano aina Filisti yatumile wa wila wa cizumila mulandu kuli Yawe yali ukulingana ni misumba yao, onga uwa musumba wa Asyidodi, uze uwa musumba wa Gaza, uze uwa musumba wa Asyikeloni, uze uwa musumba wa Gati nga na uze uwa musumba wa Ekiloni.

1 Samueli 6:17 ပူးပေါင်းရင်းမြစ်များ

2 Samueli 1:20

Cisi cakwezya ukucilanda mu musumba wakwe Gati nanti ukwalazya ilyasi mu museo wa Asyikeloni, pano limwi yamangu amu Filisti yangazanga, nga na ana anaci yakwe yao atasilamulwa yangasansamuka.

2 Samueli 21:22

Amapaka yaa yani yali amu mupanda wakwe Lafa uwaku Gati, nga uwayakomile a Davidi na antu yakwe.

2 Yamwene 1:2

Uwanda umwi umwene Aaziya waponyile apipaala lipapatale li sano lyakwe, mu musumba wa Samaliya. Wene waicisile sana. Aaziya ali pakutuma inkombe zimwi kuli Baali Zebubi, kaleza ka antu aku Ekiloni, kuti yakasapole pakumanya ndi cakuti amapola nanti foo.

2 Milandu 26:6

Apa nsita imwi Uziya waile ku kulwa inkondo na ina Filisti, nga awisya ilinga lyakwe Gati, na lyakwe Yabine, alino na lyakwe Asyidodi. Alino akuululula imisumba iyali mu pipi nu musumba wa Asyidodi nga nu mu ncende zyuze izya mpanga ya ina Filisti.

Yelemiya 25:20

alino na maumba yonsi aenyi yao, yamwene yonsi a mpanga ya Uzi, yamwene yonsi a mpanga ya Filisti, Asyikeloni, Gaza, Ekiloni na yano yasiile mu Asyidodi.

Aina Levi 5:7

Lelo ndi cakuti umuntu atakweti umwana wa mfwele nanti wa mbuzi, lyene atoole ivipeele viili nanti utwana twa nkunda twili kuti viye ivyakupeela kuli Yawe, alipile pa maifyo yakwe. Conga ciye uwila wa kwelela amaifyo ni cuze ciye uwila wakoca.

Amosi 1:6

Yawe wavwanga wati, “Pamulandu wakuti aikazi aku Gaza yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu, nu kulusenda yalutwala umu uzya ku mpanga ya Edomu.

Amosi 6:2

Yangini ku musumba wa Kaline mukailolele. Alino muye ku musumba ukulu ulya uwa Hamati, nga lyene mutentemukile ku Gati ku ina Filisti. Uzye antu amu mawene yaa yalusile amu Yuda nu mu Izlaeli? Uzye impanga yao ikulu kuluta impanga inu?

Malango 28:27

Yawe alamuponyezya ivipute wakwe vino waponyizye pa ina Eguputo. Alalenga ni mili inu kupuuka ivilonda. Mulakwata impele izilamusanga wakwe cimwi, lelo kutalaya icakumupozya.

Yakapingula 1:18

Aina Yuda iyapoka ni misumba ya Gaza, Asyikeloni na Ekiloni, cila musumba ni mpanga yakweo.

Yakapingula 14:19

Lyene mukupumikizya umupasi wakwe Yawe wikila na maka panoli. Alino atentemukila ku Asyikeloni, akuno aya akoma antu amakumi yatatu,

Yakapingula 16:1

Uwanda umwi Samusoni aya ku Gaza. Nga kuku alola cizelele, alino aya alalindo ukwakwe.

Yakapingula 16:21

Lyene aina Filisti iyamulema iyamutonkola amanso nga iyamusenda iyatentemukila ku Gaza. Kuli kuno iyaya iyamunyepa mu minyololo iili iyamukuwa, nga iyainyepelela kwiwe lyakusila umu ng'anda yaminyololo amuno aasya.

1 Samueli 5:1

Pacisila lino aina Filisti yapoka Mbokosi ya Upangano yakwe Leza, iyaifumya ku Ebenezeli nga iyaitwala ku Asyidodi,

1 Samueli 5:10

Acino iyatuma Mbokosi ilya iya Upangano yakwe Leza ku Ekiloni. Lino yakwingizya Mbokosi ilya mu musumba wa Ekiloni, aikazi ya mwenemo iyapunda iyati, “Yatuletela Mbokosi ya Upangano yakwe Leza wa ina Izlaeli kuno pakuti yatukome kumwi na antu itu!”

1 Samueli 5:8

Acino iyakonganika intunguluzi zyonsi zya ina Filisti nga iyayuzya iyati, “Uzye tumacita cani ku Mbokosi ii iya Upangano yakwe Leza wa ina Izlaeli?” Nayo iyaasuka iyati, “Tumini akuti yaitwale ku Gati.” Acino iyatwala Mbokosi ilya ku Gati.

1 Samueli 6:4

Aina Filisti nayo iyuzya iyati, “Uzye fwandi uwila ci uwa cizumila mulandu uno tungamutumila?” Nayo iyaasuka iyati, “Utumawe tusano twakwe zaabu utukoline ni vipute nga natuze tusano utukoline na yakuza. Mukavilinganye ni mpendwa ya ntunguluzi zya ina Filisti, pamulandu wakuti icilumbelo icili cimwi kwene caponiile pali mwemwe na pa ntunguluzi zinu kwene.