1 Samueli 4:3 - Amazwi Yakwe Leza 2013

³ Lino ivita vyaweluluka ku nkambi, intunguluzi zya ina Izlaeli iziinong'onya iziti, “Uzye pacani cino Yawe waleka ukuti aina Filisti yatucimvye? Katuye tukasende Mbokosi ya Upangano ku Syilo pakuti twapita nayo nga yatutuulanya ku maka ya anisi itu.”

1 Samueli 4:3 ပူးပေါင်းရင်းမြစ်များ

2 Samueli 15:25

Lyene umwene anena simapepo Zadoki ati, “Swilizya Mbokosi ya Upangano yakwe Leza uitwale mu musumba. Ndi cakuti Yawe wazangila munondi, ale wene alambwezya mu musumba akaleke nkize nkailole nupya nkalole na pa cifulo pano itenzi.

1 Milandu 17:1

Pacisila lino Davidi watandika ukwikala mwi sano lyakwe, uwanda umwi anena kasema Natani ati, “Nemo nkwikala mwi sano lino lyakuuliwa ku miti ya mikelide, lelo Mbokosi ya Upangano yene ikusungwa mwi Taalu!”

Masamu 74:1

We Leza, icani cino watutazyelela vii? Uzye kwene antu yako we mweneco, ali yano ungakwatila icipyu vii, lyonsi?

Masamu 74:11

Icani fwandi cino ukukanila ukutupokolola? Wanyongela ni nsingo kuze!

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Ezaya 58:3

Nga ala yakunguzya yati, “Uzye pacani cino tungatela ukulya icakulya vino Yawe atatusumvileko amano? Cino tungaculila icani swemuno asisakamala?” Nga ne Yawe ala nkuyasuka inti, “Lino mukata ukulya icakulya, mwemo mucumi mukalondela sile ivyakumusansamusya vitupu, nupya ali lino mukapelesya na aomvi inu imilimo yakuti yaomba.

Ezaya 59:1

Ikasa lyakwe Yawe litipimpala cakuti liposiwe ukupususya, nanti amatwi yakwe yatapuulama cakuti yakane ukuuvwa.

Ezaya 59:2

Lelo uyi winu ali uno wiimba polowe pakasi kinu na Leza winu. Amaifyo inu ali yano yaleka ukuti ivinso vinu vifisame kunondi. Ali lovyo kwene.

Yelemiya 3:16

Alala mwavula, mwasanduluka umu mpanga ilya, ale na antu lyene yata nu kulanda apa mbokosi ya upangano yakwe Leza. Nupya yatalatala yelenganye na penepo. Yatalaiusya nanti ukuluuka nanti sile uku mpanga yuze.

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

Mpendwa 10:33

Lyene lino antu yatenuka, yasya Mwamba wa Sinai, yapita ulendo wa manda yatatu. Pa manda yonsi yaa yatatu ala Mbokosi ya Upangano yakwe Yawe ikuyakolelela kuti yayalondele incende pakuti yangakuula insakwe.

Mpendwa 10:35

Lyonsi lino yatenuka ni Mbokosi ya Upangano, Mose wavwanganga ati, “Si ungala ukatuke we Yawe usaasye anisi yako, na wensi uwakusoka asimule kutaluka kunuli.”

Mpendwa 31:6

Mose pali pakuyatuma ku nkondo. Ayapeela Pineasi umwana wakwe Eleaza simapepo, uwawakanga iviya vyamuzilo alino ni ntandala zyakulizya pa kuyasopa.

Malango 29:24

Lyene antu amu nsi yalauzyanya yati, ‘Uzye Pacani cino Yawe wacitila icamusango ndi uu mu mpanga yao?’”

Malango 31:26

“Tolini lupapulo luu lwa masunde yakwe Yawe mulwike pambali ya Mbokosi ya Upangano yakwe Yawe Leza winu, pakuti lukasyale papa kwene wa umboni wakusinila antu yakwe.

2 Timoti 3:5

Yene yalailanga kuya apefi, lelo upefi wao utalaloleka uwa cumi. Fumako ku antu amusango uu.

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.

Yoswa 4:7

lyene muce muyanene ukuti amanzi amu Luzi lwa Yodani yatile ukupita lino Mbokosi ya Upangano yakwe Yawe yalamvile. Amawe ya yamayanga iciusizyo cakwe cii ku ina Izlaeli amanda pe.”

Yoswa 6:6

Acino Yoswa umwana umonsi wakwe Nuni aama yasimapepo nga ayanena ati, “Nyemulini Mbokosi ya Upangano yakwe Yawe, nga muleke yasimapepo cinimbali yakweyolelele ala yatiyasenda intandala.”

Yoswa 7:7

Lyene Yoswa akuta ati, “Uwi! We Yawe Simwandalali, uzye pacani cino walamvizye antu yako kuno mbalama ya Yodani kuti utupeele mu makasa ya ina Amoli pakuti yatonone? Si cange cizipe uleka twikale ku mbalama yuze iya Luzi lwa Yodani!

Yoswa 7:8

Owe Mwene! Uzye namalanda cani, pasi pano aina Izlaeli yatiyapuuka anisi yao?

1 Petulo 3:21

Manzi yaya yali icilangililo casontelelanga ku luwatizyo luno lukumutuula ndakai. Lwene lusi wa kufulwa kwa mwili, lelo kupapatila Leza kuti yakampingu itu yaswefiwe kupitila mu kuzyukuka kwakwe Yesu Klistu kufuma ku afwe.

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.

1 Samueli 1:24

Pacisila lino umwana wilya walumwike, Hana amusenda, nga asenda na cipambasi uwa myaka itatu, nu usu wa ngano ukulingana na makilogalamu ikumi lyonga na waini, nga amuleta ku ng'anda yakwe Yawe ku Syilo.

1 Samueli 14:18

Saulo pali pakunena Aiya ati, “Ndetele cakuzwala ca efodi.” (Pa nsita kwene ilya Mbokosi ya Upangano yakwe Leza yali ku ina Izlaeli.)

1 Samueli 4:2

Aina Filisti iyakatuka nu kulungatana na ina Izlaeli. Nga lino ulwi wakoma sana, aina Filisti iyacimvya aina Izlaeli. Iyakoma antu ukulingana manye amazimbi yani pa ncende ya ulwi.