1 Samueli 4:21 - Amazwi Yakwe Leza 2013

²¹ Atemela umwana wilya umonsi izina ati a Ikabodi, ale akuti, “Ululumbi lwatilufuma pakasi ka ina Izlaeli” ala akusontelela ku Mbokosi ya Upangano yakwe Leza ino yapokwa nga nu ku mfwa yakwe sivyala na yakwe iya.

1 Samueli 4:21 ပူးပေါင်းရင်းမြစ်များ

Masamu 106:20

Yezya uwamuzilo umucindami yalondelela icinkolanya iciluwi ca ng'ombe yonsi, ikalya umulemvwe.

Masamu 26:8

We Yawe, nemo natemwa ukwikala umu ng'anda yako, umu cifulo cako umwazula ucindami wako.

Masamu 78:61

Waleka na anisi yiza yazanza amaka yakwe, imbokosi ya upangano, yaisenda nu mu uzya.

Masamu 78:64

Yasimapepo yao nayo kwene yakomolwa uku lupanga. Yamama yao, yamukamfwilwa yaposiwa nu kuyalosya.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Nyimbo zya ndosya 2:1

Iye mwe vino Yawe ku cipyu cakwe wataponyezya Zioni umu mfinzi. Ucindami wa kwiyulu uno Izlaeli wakwata, Umwene wataonona. Uwanda uno wasosile atasakamile nu kucilyatilo ca ngazo zyakwe.

Oseya 9:12

Nanti angala yene yangavyala ana, ndayonona, kusi umwana nanti wenga alasyala umumi. Kalanda kuno yali lilyo lino ndayafutatila.

1 Samueli 14:3

Pali yakwene apali Aiya, uwazwite cakuzwala ca efodi. Wene wali umwana wakwe Aitubi umwina wakwe Ikabodi, umwana wakwe Pineasi umwana wakwe Eli, uwali a simapepo wakwe Yawe ku Syilo. Kutali umwi uwamanyile ukuti Yonatani watapita.

1 Samueli 2:34

Ni cilaponela ana yako yaili, Hofini na Pineasi, cilaya icilangililo kunuli cakuti yoili kwene yalafwa imfwa pa wanda onga kwene.

1 Samueli 3:12

Mu wanda kwene uwo ndafikilizya vyonsi vino navwanzile ukuti ndacita kuli Eli nu ku ang'anda yakwe.

1 Samueli 4:11

Pali pakupoka Mbokosi ya Upangano yakwe Leza, nga iyakoma Hofini na Pineasi, ana aonsi yaili yakwe Eli.

1 Samueli 4:22

Avwanga ati, “Ululumbi lwatilufuma pakasi ka ina Izlaeli, pamulandu wakuti Mbokosi ya Upangano yakwe Leza yatipokwa.”