1 Samueli 4:2 - Amazwi Yakwe Leza 2013

² Aina Filisti iyakatuka nu kulungatana na ina Izlaeli. Nga lino ulwi wakoma sana, aina Filisti iyacimvya aina Izlaeli. Iyakoma antu ukulingana manye amazimbi yani pa ncende ya ulwi.

1 Samueli 4:2 ပူးပေါင်းရင်းမြစ်များ

Nyimbo zya ndosya 3:40

Ala lekini twaelenganya apa miyele itu, apakuti twaweluluka ku Mwene.

Aina Levi 26:37

Mulapumana mweisikulu lino pasi nanti umwi akumuzinganya. Nupya mutalaya na maka ya kulwisya anisi inu.

Mpendwa 14:45

Aina Amaleke na ina Kenani aikalanga mu mpanga ilya, mu myamba, ali pa kutentemuka nu kuyazanza. Iyacimvya aina Izlaeli nzila yonsi kufika nu ku Holima.

Yoswa 7:12

Icaleka aina Izlaeli yatiyayacimvya ku anisi yao. Yene yatiyasimula kantapepela, pamulandu wakuti aisikulu yatiyailetelela ukononeka. Acino nani namatala imufutuke, na pakuti nupya imupalamile, suka mwatala monona vino namulesizye ukutola.

1 Samueli 17:21

Aina lzlaeli na ina Filisti ale yakutantama, yatiyalozyanya amanso.

1 Samueli 17:8

Lyene Golyati wilya aiza aimilila nu kulaizya ku ina Izlaeli ati, “Uzye pacani cino mwizila kuno ku kutulwisya, mwe azya yakwe Saulo mwe? Nemo nene ndi lamba lya ina Filisti. Aleni sololini umuntu wenga uwakuti twize tulwe nawe.

1 Samueli 4:1

Pa nsita ilya aina Filisti iyakongana ku kulwa inkondo na ina Izlaeli, acino aina Izlaeli iyafuma ku kulwa na ina Filisti. Aina Izlaeli iyaya yakuula insakwe pa Ebenezeli, na ina Filisti nayo pa Afeki.

1 Samueli 4:10

Acino aina Filisti iyalwa, iyasuka iyacimvya aina Izlaeli, yao autukile kumwao. Kwali ukucimviwa kukulu wakwe cimwi, nga asilika ya pa ngazo, aina Izlaeli akomilwe yali amazimbi amakumi yatatu.

1 Samueli 4:3

Lino ivita vyaweluluka ku nkambi, intunguluzi zya ina Izlaeli iziinong'onya iziti, “Uzye pacani cino Yawe waleka ukuti aina Filisti yatucimvye? Katuye tukasende Mbokosi ya Upangano ku Syilo pakuti twapita nayo nga yatutuulanya ku maka ya anisi itu.”