1 Samueli 4:18 - Amazwi Yakwe Leza 2013

¹⁸ Lino umuntu wilya walumbula sile ica Mbokosi ya Upangano yakwe Leza, Eli apenuka pa cilimba, apona asalile lwa pa mpongolo. Vivyo kwene ni nsingo ikomfama, nga afwa nu kufwa, pano walanga watakota wakwe cimwi nupya wali umwine sana. Wene watungulwile aina Izlaeli pa myaka amakumi yani.

1 Samueli 4:18 ပူးပေါင်းရင်းမြစ်များ

Masamu 26:8

We Yawe, nemo natemwa ukwikala umu ng'anda yako, umu cifulo cako umwazula ucindami wako.

Masamu 42:10

Vimatusi vya anisi yane vyati vimpezya amano. Yene yikalile sile ukunguzya pe pe pe iyati, “Nga Leza wako alikwi?”

Masamu 42:3

Umusanya nu usiku nkalaizya na minsozi yane yasuka yasanguka icilyo cane. Lyonsi anisi yane yakanguzya yati, “Uzye Leza wako ali kwi?”

Masamu 69:9

Pano umuzonda uno nakwata apa ng'anda yako umandya. Imisuula ino yakakusuula, yakailozya muli nene.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Yakapingula 15:20

Samusoni watungulwile aina Izlaeli pa myaka amakumi yaili mu manda ya ina Filisti.

1 Samueli 4:13

Lino wafika sile kuku, Eli ala wataikala pa cilimba cakwe umu mbali ya museo, akucevya pamulandu wakusakamikwa pa Mbokosi ya Upangano yakwe Leza. Lino umuntu wilya wasuka wingila mu musumba nu kulondolola vyonsi ivyativicitika, aikazi amu musumba ulya yonsi iyapomola impoma iyazakaza ku ntete.

1 Samueli 4:17

Nawe kaleta wa mazwi aasuka ati, “Aina Izlaeli yatiyutuka aina Filisti, nga ni vita vitu vyativikomwa wakwe cimwi. Na ana yako kwene yoili, Hofini na Pineasi, yatiyafwa. Ni Mbokosi kwene ya Upangano yakwe Leza yatiyapoka.”

1 Samueli 4:19

Nyinavyala, uwali umuci wakwe Pineasi, ale wasenda indilwa nga walanga ali pipi nu kulela. Lino uvwile ukuti yatiyapoka Mbokosi ya Upangano yakwe Leza nu kuti sivyala pamwi na iya kwene yatiyafwa, lilyo kwene alwala iviine yamangu nga avyala umwana.