1 Samueli 4:12 - Amazwi Yakwe Leza 2013

¹² Uwanda kwene ulya umuntu umwi uwamu mutundu wakwe Benjamini atandika ulwilo ukufuma ukwayelile ulwi nga aya afika ku Syilo. Umuntu wilya pakulanga ulanda uno yali nao, alepola ivyakuzwala vino wazwite nu kuisansa ulukungu ku mutwe.

1 Samueli 4:12 ပူးပေါင်းရင်းမြစ်များ

2 Samueli 1:2

Pa wanda uwalenga yatatu ikwiza umuntu umwi ukufuma ku nkambi yakwe Saulo, ala azwite ivyakuzwala ivilepuke. Alino ku mutwe wakwe ala kuli swe ku lukungu. Lino wafika kuli Davidi apona pansi afukama nu kumukunkwila pa kulanga umucinzi.

2 Samueli 13:19

Tamala fwandi pali pakuipaka itwi ku mutwe pa kuilangizya ulanda uno wali nawo. Alepola ni laya lino wazwite, apanga na makasa pa mutwe nga atandika nu kulila ala akupita.

2 Samueli 15:32

Lino Davidi wafika apapela pa mulundu, pa yelile incende iya kupepela Leza, cuza wakwe mutailwe, uwi zina lyakwe Husyai umwina Aliki amukomenkanya. Ale ivyakuzwala vyakwe ivilepoke nga nu lukungu luli ku mutwe.

Neemiya 9:1

Apa wanda uwalenga amakumi yaili na yani uwa mwezi kwene uwa, aina Izlaeli yonsi pyu yakongana uku kuifuntusya ku lunkumbwa lwa kulya icilyo. Lilyo ala yazwite ivisamu nga ala yatiyaiswela ni twi ku mitwe.

Yobo 2:12

Walanga sile lino yacili patali yamulola, lelo ala yatiyamuponga. Nga walanga yapalama kunoli, yamumanya nga yalukusya na minsozi. Alino iyalepola ni nsalu zyao pakulanga ulanda. Lyene iyatola ni twi nu lukungu, iyaiswela ku mitwe yao.

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Ezekelo 24:26

Uwanda kwene uo imbutusi iliza ikulandile umulandu.

Ezekelo 27:30

Yalasanzula izwi pa kulosya nu kupomola impooma ikalamba. Yene yalaiswela ulukungu ku mitwe nu kukunkula mwi twi.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.