1 Samueli 4:10 - Amazwi Yakwe Leza 2013

¹⁰ Acino aina Filisti iyalwa, iyasuka iyacimvya aina Izlaeli, yao autukile kumwao. Kwali ukucimviwa kukulu wakwe cimwi, nga asilika ya pa ngazo, aina Izlaeli akomilwe yali amazimbi amakumi yatatu.

1 Samueli 4:10 ပူးပေါင်းရင်းမြစ်များ

2 Samueli 18:17

Alino iyatoola icala cakwe Abusalomu iyacisumbila mu ciwina icikulu umu mutengo nga iyatulika umutumba ukulu uwa mawe penepo. Aina Izlaeli yala yatiyasimula kumwao.

2 Samueli 18:7

Kuku kwene aina Izlaeli iyayacimvya ku antu yakwe Davidi. Nupya kwali impendwa ikulu wakwe cimwi iya antu yano yakomile ukulingana na antu amazimbi amakumi yaili (20,000).

2 Samueli 19:8

Lyene umwene akatuka, nga aya aikala umu pipi ni mpongolo ya musumba. Antu yakwe yuvwa ukuti wene ali papa, nga iyakongana yonsi pamwi, iyamulizizya.

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

1 Yamwene 12:16

Lino antu yalola ukuti umwene Leoboamu wakana ukuti ayuvwe, nayo ali pakupunda yati, “Davidi na ang'anda yakwe kayaliyali. Uzye icani fwandi cino yatucitila? Mwe ina Izlaeli mwe sikatukini twapita kumwitu! Ata see! Mutini Leoboamu alali! Lyene we mwana wakwe Yese, nawe uilolele wemwisikulu pa akazi kako.” Acino aina Izlaeli iyakatuka nu kupita ku mang'anda yao.

1 Yamwene 22:36

Lino ilanzi likuwa, ali pakuumila ivita vya ina Izlaeli imbila iyakuti, “Umuntu wensi aswilile ku musumba wakwe nu ku mpanga yakwe kuno wafuma!”

2 Yamwene 14:12

Ivita vyakwe Amaziya iyavicimvya ku vita vya ina Izlaeli, nga ivyutukila nu kumwao.

2 Milandu 13:17

Abiya pamwi na antu yakwe iyakomola aina Izlaeli wakwe cimwi, cakuti aina Izlaeli afwile yali imyanda isano.

2 Milandu 25:22

Antu aku Yuda yacimviwe na ina Izlaeli, nga nu muntu wensi apuukila ukwakwe.

Masamu 78:9

Aina Efulemu, alwanga uku kuomvya amalapwa ni nceto, yapuusile uwanda wa lwete.

Yelemiya 7:12

Pitini muye ku ncende imwi yaku Syilo, umusumba uno pakutandika wamanyikwe pamulandu wi zina lyane. Mumaya mukalole vino nacisile ku antu yane aina Izlaeli apamulandu wa uyi wao.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Malango 28:15

“Lelo ndi mwakana ukuyela Yawe Leza winu nga mutacenjile mukane kulondela amalamulo yakwe yonsi na masunde yano nkumupeela ilelo, ale lyene vintu vii vyonsi iviipe vilamuponela.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

1 Samueli 3:11

Yawe nawe pali pakunena Samueli ati, “Lola, nasya nce ncite cimwi mu Izlaeli na wiyo wensi aluvwa kweneko umu matwi yakwe mulawawata.

1 Samueli 4:2

Aina Filisti iyakatuka nu kulungatana na ina Izlaeli. Nga lino ulwi wakoma sana, aina Filisti iyacimvya aina Izlaeli. Iyakoma antu ukulingana manye amazimbi yani pa ncende ya ulwi.