1 Samueli 31:9 - Amazwi Yakwe Leza 2013

⁹ Iyaputula umutwe wakwe Saulo nu kumuzula ivyanzo vyakwe. Alino lyene iyatuma inkombe umu mpanga yao yonsi ku kusalanganya ilyasi lisuma kuli tuleza twao utuluwi nu ku antu yao yonsi.

1 Samueli 31:9 ပူးပေါင်းရင်းမြစ်များ

2 Samueli 1:20

Cisi cakwezya ukucilanda mu musumba wakwe Gati nanti ukwalazya ilyasi mu museo wa Asyikeloni, pano limwi yamangu amu Filisti yangazanga, nga na ana anaci yakwe yao atasilamulwa yangasansamuka.

1 Samueli 17:51

Davidi asimwilila kunoli, amutangalila. Alino asomola ulupanga lwakwe Golyati umu cituwo caluko, nga aputula umutwe wakwe pacisila ca kumukoma. Lino aina Filisti yalola ukuti icipombolo cao yakwecoma, yene iyasenuka iyutuka.

1 Samueli 17:54

Davidi atoola umutwe wa mwina Filisti wilya nga ausenda ku Yelusalemu, nga aika ivyanzo vya mwina Filisti wiya umwi taalu lyakwe umwisikulu.

1 Samueli 31:4

Alino Saulo anena umusenda mpamba wakwe ati, “Somola ulupanga lwako untote sile imfwe ukuluta kuti iviyantu vii ivitamanya Leza vize mu kunseka nga vinkome.” Umusenda mpamba nawe pali pakukana sana, pano wali ni ntete izya kucita cico. Acino Saulo pali pakutoola ulupanga lwakwe apona penepo aitota nga afwa.

1 Samueli 31:8

Uwanda uwalondelela, lino aina Filisti yiiza ku kupeketa ivyala, iyazana Saulo na ana yakwe yatatu yalambalile pa Mwamba wa Giliboa ala yatiyafwa.