1 Samueli 31:4 - Amazwi Yakwe Leza 2013

⁴ Alino Saulo anena umusenda mpamba wakwe ati, “Somola ulupanga lwako untote sile imfwe ukuluta kuti iviyantu vii ivitamanya Leza vize mu kunseka nga vinkome.” Umusenda mpamba nawe pali pakukana sana, pano wali ni ntete izya kucita cico. Acino Saulo pali pakutoola ulupanga lwakwe apona penepo aitota nga afwa.

1 Samueli 31:4 ပူးပေါင်းရင်းမြစ်များ

2 Samueli 1:1

Pacisila ca mfwa yakwe Saulo, ali lino Davidi wawelulwike ku kucimvya aina Amaleke nu kwiza ikala ku Zikilagi pa manda yaili.

2 Samueli 1:14

Nupya Davidi aswilizya ukumuzya ati, “Uzye pacani cino utuvwile intete zya kukatusya ikasa lyako nu kukoma umusololwe wakwe Yawe?”

2 Samueli 1:20

Cisi cakwezya ukucilanda mu musumba wakwe Gati nanti ukwalazya ilyasi mu museo wa Asyikeloni, pano limwi yamangu amu Filisti yangazanga, nga na ana anaci yakwe yao atasilamulwa yangasansamuka.

2 Samueli 1:6

Nawe amwaasuka ati, “Cali sile nsula ala indi pa Mwamba wa Giliboa nga ndola Saulo ala watasintilila isumo lyakwe. Lyene papo kwene ndola amaceleta yakwiza alino na antu akwezile pa mfwalasi yamulungime kuti yakamuvwangatile nu kumulema.”

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

2 Samueli 21:12

aya atoola amafupa yakwe Saulo na yakwe Yonatani umwana wakwe umonsi ukufuma ku ina Yabesyi umu mpanga ya Gileadi. Antu yaya walanga yiya ivyala pa ncende yakukonganilapo mu musumba wa Beti Syani, kuko kuno aina Filisti yanyinyinzye ivyala pa wanda uno yakomile Saulo pa Mwamba wa Giliboa.

1 Yamwene 16:18

Lino Zimuli walola ukuti umusumba wapokololwa, aya aingila mu muputule wa papela mukasi na nkasi ki sano nga atumula umoto mwi sano ukuzinguluka pano wali. Avino wafwile,

1 Yamwene 16:27

Ivintu vyuze vyonsi vino Omuli wacisile, ni milimo yakwe yonsi nga na vino watukwite, vyalembwa mu lupapulo lwa Milandu yakwe Yamwene aku Izlaeli.

1 Milandu 10:4

Saulo wiyo apali pakunena umusenda mpamba wakwe ati, “Somola ulupanga lwako unkome, pakuti iviyantu vii ivitamanya Leza vitiza vyansoweka.” Lelo umulumendo wilya auvwa intete wakwe cimwi izyakucita cico. Acino Saulo atoola ulupanga lwakwe umwisikulu, alusimpa, nga aponela penepo, aikoma.

Yakapingula 14:3

Lelo akwasi yakwe iyamukanya yati, “Uzye mu akazi kako nu mu antu yako mutange muzanwe umukazyana wino ungatwala? Uzye pacani cino ungaya ku kutwala umwanaci uwamu ina Filisti yano yatasilamulwa?” Lelo Samusoni anena isi ati, “Ndetelini wiyo kwene, pano ali wino ntemilwe sana.”

Yakapingula 9:54

Lyene zuwazuwa Abimeleki aama umusenda mpamba wakwe nga amupeela ilamulo ati, “Somola ulupanga lwako unkome, pano ntakasi kuti antu yakize yati umwanaci uwatamukoma.” Acino umusenda mpamba wilya amutota atulinkanya ulupanga mu mwili wakwe, nga afwa.

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

1 Samueli 17:36

Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.

1 Samueli 26:10

Nalapa umwi zina lyakwe Yawe waumi ukuti Yawe umwisikulu alakoma Saulo lino insita yakwe ilafika, nanti alaya ku nkondo akuno imfwa ikamuzane.

1 Samueli 31:5

Lino umusenda mpamba walola ukuti Saulo wafwa, nawe kwene apona pa lupanga lwakwe aitota afwa pamwi na aliwe.