1 Samueli 31:1 - Amazwi Yakwe Leza 2013

¹ Aina Filisti iyalwa inkondo na ina Izlaeli. Aina Izlaeli iyutuka ukufuma kunoyali, nga na ingi iyakomwa pa Mwamba wa Giliboa.

1 Samueli 31:1 ပူးပေါင်းရင်းမြစ်များ

2 Samueli 1:21

“Namwe mwe myamba ya Giliboa, ulumi lutakezye ukumukunga nanti sile imvula nayo kwene itakezye ukutonya mwenemo! Impanga nayo itakatale ikavunde, pano ali muno ivisyangu vya malumba itu vyasyala vikuliwa ni ngalawa, nga amuno ni cisyangu cakwe Saulo ciikala ukwaula kucipukuta na mafuta.

2 Samueli 1:6

Nawe amwaasuka ati, “Cali sile nsula ala indi pa Mwamba wa Giliboa nga ndola Saulo ala watasintilila isumo lyakwe. Lyene papo kwene ndola amaceleta yakwiza alino na antu akwezile pa mfwalasi yamulungime kuti yakamuvwangatile nu kumulema.”

2 Samueli 4:4

Uwamu mupanda wakwe Saulo namuze wali a Mefibosyeti umwana umonsi wakwe Yonatani, uwali ni myaka isano iyakuvyalwa pa nsita ino Saulo na Yonatani yakomilwe. Lino impwelo yapa mfwa yao yuvwika ukufuma umu Yezileele, umulezi wakwe amutola nga autuka. Lelo umu kupamviwa kwakwe asuka amuponya nu kulenga ukumulemalika amakulu.

1 Samueli 12:25

Lelo ndi cakuti mwatwalilila ukucita inkota, ale lyene mulononwa, mwemwe kumwi nu mwene winu kwene.”

1 Samueli 28:1

Mu manda yalya aina Filisti iyakonganika ivita vyao kuti yakalwisye aina Izlaeli, nga Akisyi anena Davidi ati, “Ulinzile kumanya ukuti wewe pamwi na antu yako mumapita nani ku nkondo.”

1 Samueli 28:15

Samueli anena Saulo ati, “Uzye pacani cino wanganola apa kundeta kuno?” Saulo aasuka ati, “Indi umu ntazi ikulu! Aina Filisti yakundwisya, nga Leza watamfutatila. Wene watata ukungasuka ukupitila muli yakasema nanti umu viloto kwene. Acino natinkwama kuti wize unene ivyakucita.”

1 Samueli 28:19

Yawe alapeela wewe pamwi na ina Izlaeli kwene umu makasa ya ina Filisti, nga mutondo wewe na ana yako aonsi muluminkana pamwi nani. Yawe alapeela ni vita kwene ivya ina Izlaeli mu makasa ya ina Filisti.”

1 Samueli 28:4

Ivita vya ina Filisti ivikongana nu kukuula inkambi ku Syunemu, nga Saulo nawe akonganika aina Izlaeli yonsi nu kukuula inkambi yao ku Giliboa.

1 Samueli 29:1

Aina Filisti yakonganika ivita vyao ivyankondo ku Afeki. Aina Izlaeli nayo iyakuula inkambi zyao mupipi na kafukoka kaku Yezileele.