1 Samueli 30:8 - Amazwi Yakwe Leza 2013

⁸ Davidi auzya Yawe ati, “Uzye incocovye azanzi yaa? Uzye namaya nkayazane?” Yawe nawe amwaasuka ati, “Yacocovye, nga umaya ukayazane nu kupokolola antu yonsi pyu.”

1 Samueli 30:8 ပူးပေါင်းရင်းမြစ်များ

Utandiko 14:16

Lyene Abulamu apokolola vyonsi vino yasenzile, awezya na Loti umwana wa mwina, ni vyuma vyakwe, pamwi na anaci nga na antu yauze asenzilwe ku uzya.

2 Samueli 5:19

Acino Davidi auzya Yawe ati, “Uzye ningaya nkalwisye aina Filisti? Uzye umapeela aina Filisti umu makasa yane?” Yawe aasuka ati, “Ee, yanga ukayalwisye, pano icumi kwene namayapeela umu makasa yako.”

2 Samueli 5:23

Acino Davidi auzya Yawe, nga nawe amwaasuka ati, “Apakulwisyanya nayo utayalungama foo. Lelo uye lwaku matundu yao, akuno uzingulukile, ulunga ni miku.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Kufuma 15:9

Umwanisi wako aisomba ati, ‘Namayalondelela lunkwalunkwa nu kuyalema. Namaankanya icuma cao, nu kutoola vyonsi vino nkulonda. Namasomola lupanga lwane nu kusenda vyonsi vino yakwata,’

Mpendwa 27:21

Nga Lelo ali nu kulaiza kuli simapepo Eleaza. Aliwe alaamuzizya nu kumanya ukulonda kwane ukupitila mukuomvya Ulimu na Tumimu. Umu nzila kwene ii, Eleaza alaatungulula Yoswa nga na aina Izlaeli yonsi muli vyonsi vino viyapazi.”

Yakapingula 20:18

Aina Izlaeli pali pakuya ku Betele nu kuuzya Leza yati, “Uzye umutundu cii ulinzile kuya uwankolelo ukuzanza aina Benjamini?” Yawe nawe aasuka ati, “Umutundu wakwe Yuda ulinzile kutandikilapo ukuya kweneko.”

Yakapingula 20:23

Aina Izlaeli iyatumbela ku Betele, kuno yaile iyalosya pa manso yakwe Yawe ukufika na lino ilanzi lyawa, nga iyuzya Yawe yati, “Uzye nupya kwene tumaswilila ku kulwisya aina itu aina Benjamini?” Yawe aasuka ati, “Ee, yangini mukayalwisye.”

Yakapingula 20:28

nu waisunganga wali a Pineasi umwana wakwe Eleaza, umwana wakwe Aloni.) Aina Izlaeli iyuzya Yawe yati, “Uzye nupya kwene tuye tukalwisye aina itu aina Benjamini nanti tute sile?” Yawe nawe aasuka ati, “Ee, yangini mukayalwisye. Mutondo indayapeela mu makasa inu.”

Yakapingula 8:4

Pa nsita ilya walanga Gidyoni na antu yakwe imyanda itatu yatiyalamba mpiti Luzi lwa Yodani. Ala yatiyatonta, lelo yatwalilile kucocovya anisi yao.

1 Samueli 10:22

Acino iyatwalilila ukuuzya Yawe iyati, “Uzye umuntu wi wataiza pano?” Yawe aasuka ati, “Awiyo afisime mu viya.”

1 Samueli 14:37

Acino Saulo auzya Leza ati, “Uzye inje ku ina Filisti inkayazanze? Uzye umatupeela ucimvyo?” Lelo Leza atamwaswike mu wanda ulya.

1 Samueli 23:2

Davidi auzya kuli Yawe ati, “Uzye nje nkalwisye aina Filisti?” Yawe nawe aasuka ati, “Ee, pitanga kalwisye aina Filisti nu kutuula aina Keila.”

1 Samueli 23:4

Acino Davidi nupya auzya Yawe nga Yawe amwaasuka ati, “Pitanga ku Keila pamulandu wakuti namakupeela ucimvyo pa ina Filisti.”

1 Samueli 28:6

Auzya Yawe ivyakucita, lelo Yawe atamwaswike mu viloto nanti kupitila muli Ulimu nanti muli yakasema.

1 Samueli 30:18

Davidi apokolola ivintu vyonsi pyu vino aina Amaleke yapokolwile, kumwi na aci yakwe yaili.

1 Samueli 30:19

Kusi nanti wenga wino yaponzizye, pa ance na ikolo kwene, pa alumendo na akazyana, na pali vino yasamfile. Davidi walondwile vyonsi pyu.