1 Samueli 30:6 - Amazwi Yakwe Leza 2013

⁶ Davidi wali umu ntazi ikulu sana, pamulandu wakuti antu yakwe yonsi imyenzo yali iwaye pa kuponzya ana na aci yao. Iyatandika nu kupanga kuti yakomole Davidi na mawe. Lelo Yawe Leza wakwe amupa ukuposya.

1 Samueli 30:6 ပူးပေါင်းရင်းမြစ်များ

Utandiko 32:7

Yakobo auvwa intete nu kusakamala. Lyene apaatula antu yano wali nayo mu maumba yaili. Aankanya ku maumba yaa yaili imfwele, ing'ombe, imbuzi ni ngamila.

2 Samueli 17:8

Wemo umanyile ukuti so Davidi na antu yakwe akome mu ulwi nupya yakalwa wa cinyama icakolana ni ciuli, cino yatiyatolela utwana. So aumwi inkonkotela ya ulwi. Wene atangalinda usiku pamwi na asilika.

2 Yamwene 4:27

Lino wafika ku mwamba ulya kuli kasema Elisya, umwanaci wilya akontama nga alema ingazo zyakwe Elisya. Geazi nawe aiza kuti amukanke. Lelo Elisya amulesya ati, “Si mute aalali! Uzye utaweni ukuti wene ali mu ulanda ukulu sana? Yawe atacili anene cimwi pali cii.”

Yobo 13:15

Leza andye ndakulonda. Nemo ningaya nkalolole ukwakwe, apamipitile yane iya muno nsi.

Masamu 116:10

Nemo nazuumile Leza nanti angala natazile indanda inti, “Awe lyene nemo lwala lwasila.”

Masamu 138:3

Uwanda uno nalaizye wanguvwile, wandundile na maka.

Masamu 18:2

Yawe cili ciliwe cane, nupya lili linga lyane na katuula wane. Wene ali Leza wane, nupya ciliwe cane cino nkaya uku kuzina mwenemo.

Masamu 18:6

Alino umu ulanda wane nalaizye Yawe. Napefile kuli Leza wane kuti angavwe. Wene umu Ng'anda yakwe ikulu, amauvwa izwi lyane. Inkuta zyane nazyo zyuvwika uku matwi yakwe.

Masamu 25:17

Sisya amasakamiko yane, untuule ku ntazi zyane zyonsi.

Masamu 27:14

Ali cino fwandi, mwataila muli Yawe! Mukwate upaalilo, mutezya mwatovoka foo. Ee, cacumi, mwataila muli Yawe!

Masamu 31:24

Muposye nupya muzyansye, mwensi mwe muno mwataila Yawe!

Masamu 42:11

Uzye pacani fwandi cino nikalile ulanda ulanda vii? Icati cinsakamalika vii icani? Awe nemo nkanataila sile muli Leza, nupya kwene ali wino nemo namawanzyanga, katula wane na Leza wane.

Masamu 42:5

Icani fwandi cino nati nkungumalila? Icani cino nemo nati nsakamalila vii? Awe cumi, nemo nkanataila sile Leza, pano nemo awino namalumbanyanga ndi vino nacitanga mpiti, pano ali katula wane na Leza wane.

Masamu 42:7

Amaziya yakwe yayemba yakulaizyanga, ni vipoma vya manzi vyakwe Leza vikupooma! Vili wa mayimbi ya malanda ati yasambezya umwenzo wane.

Masamu 56:11

A Leza awino nemo nataila, ni ntete nemo intazikwata foo. Icani fwandi cino umuntu uwasilesile angancita?

Masamu 62:1

Umwenzo wane wazana ukupuza muli Leza mutupu. Ufyusi wane wafuma sile kunoli.

Masamu 62:5

Nemo a Leza sile wenga, ali wino nikalilila, nupya ali wino nataila.

Masamu 71:4

Leza, umpokolole uku antu aipe, umfyombotole umu makasa ya antu yakakate aipisye.

Masamu 71:5

We Yawe Simwandalali, awewe nemo nataila, awewe nataila ukutandikila sile uku wance wane.

Kufuma 17:4

Lyene Mose apepa kuli Yawe, apunda ati, “Uzye namacita cani na antu yaa? Yakulonda yantame na mawe.”

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezaya 25:4

Pano akuli wewe ali kuno apina yakautukila, apali ponga na antu yano yatakweti kaazwa wao. Akuli wewe ali kuno yakazina umu nsita zya ntazi. Yene yakauwa kunuli imvula ya cipunga. Wewe uli cisao cino yakauwa mwenemo icipuki ca kasanya. Antu yaluzazwe yakoline wa cipunga icikutensya ulung'umba.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yona 2:2

“We Yawe, lino nali muntazi nakuusile kunuli, nga nawe ungasuka. Lino nali kuzimo napunzile kunuli kuti ungazwe, nga nawe uuvwa ipepo lyane.

Mpendwa 14:10

Lelo iumba lyonsi lyalandanga pa kuyatama na mawe. Alino papo kwene ucindami wakwe Yawe iuloleka ku ina Izlaeli yonsi mwi Taalu lya Ukongano.

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Mateo 27:22

Pilato ayauzya ati, “Uzye lyene namacita uli pali Yesu wino akaamwa kuti Klistu?” Onsi yaasuka yati, “Atanwe pa lupanda!”

Yoane 8:59

Lyene yasola mawe kuti yamutame, lelo Yesu afisama. Alino afuma mu Ng'anda ikulu yakwe Leza.

Loma 4:18

Abulaamu wataile nu kupaalila kuti cilacitika nanti angala ataweni cino wapaalilanga. Acino wizile aya cikolwe ca antu amu nko zyonsi, wakwe vino calembwa mu malembelo cati, “Vizikulula vyako vilavula.”

Loma 4:20

Lelo pa kuvwa vino Leza wamulavile atali na kutentengana mu utailo wakwe, nanti kutwisika ulayo wakwe Leza. Utailo wakwe wamukomelizye nga alumbanya Leza.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

2 Kolinto 1:6

Ndi twacula, ala pamulandu wa kumwazwa kuti namwe mutuulwe. Ndi swemo twazwiwa, ala lyene namwe kwene mwazwiwa nga nu kupelwa maka akuposya nu kuteeka myenzo mu macuzi ali yamwi na yano naswe kwene twacuzile nu kuposya.

2 Kolinto 4:8

Lingi tukacula, lelo tusitonta. Nanti ndi twatwisika tusyata kupaalila.

2 Kolinto 7:5

Na lino twafisile mu Makedoniya tutakweti kupuza kumwi. Konsi kwali intazi, kulemanila na antu yauze nga ni ngofyo mu myenzo itu.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Yakapingula 18:25

Amu mutundu wakwe Dani nayo iyamwasuka yati, “Utatwanola, pano limwi ungazana ukuti aonsi asepukilwe yakukatukila, nga yakukome kumwi na ang'anda yako.”

Yakapingula 20:22

Lelo aina Izlaeli iyakomelezyanya nga nupya kwene iyaya mu ncende zizi kwene zino yali mwenemo pa wanda wakutandika.

1 Samueli 1:10

Papo ale Hana akuuvwa ulanda wakwe cimwi, atandika ukupepa nu kulila alila.

1 Samueli 23:16

Yonatani umwana wakwe Saulo nawe aya kuli Davidi ku Holesyi nga amukomelezya ni visininkizyo vya kucingililwa na Leza ati,

1 Samueli 28:15

Samueli anena Saulo ati, “Uzye pacani cino wanganola apa kundeta kuno?” Saulo aasuka ati, “Indi umu ntazi ikulu! Aina Filisti yakundwisya, nga Leza watamfutatila. Wene watata ukungasuka ukupitila muli yakasema nanti umu viloto kwene. Acino natinkwama kuti wize unene ivyakucita.”