1 Samueli 30:4 - Amazwi Yakwe Leza 2013

⁴ Acino Davidi na antu yakwe iyalila nu kupooma wakwe cimwi mpaka amazwi yao iyakoma.

1 Samueli 30:4 ပူးပေါင်းရင်းမြစ်များ

Ezila 10:1

Lino Ezila acili akupepa nu kuilongwela amaifyo yakwe, ala akulila nu kuisumba pansi inkolelo ya Ng'anda yakwe Leza, iumba likulu lya ina Izlaeli aonsi, na anaci na ana yao yamuunganila. Nayo kwene yalila aminsozi nu ulanda ukulu cuze.

Mpendwa 14:1

Mu usiku uwa onsi iumba lyonsi ali pa kulaizya sana iyalila akalanda nu kupooma.

Mpendwa 14:39

Lino Mose waya wanena aina Izlaeli amazwi yano Yawe wavwanzile, antu nayo pasi pa kupomola impoma.

Yakapingula 2:4

Lino umungeli wakwe Yawe wamala ukulanda ivintu vii ku ina Izlaeli, yonsi kwene iyalila nu kupooma,

Yakapingula 21:2

Alino antu yalya iyaya ku Betele, akuno iyalinda kasanya konsi pa manso yakwe Yawe mpaka na lino ilanzi lyawa, ala yakupunda nu kuilizyanya wakwe cimwi kuli Yawe yati,

1 Samueli 11:4

Lino intumi zizi zyafika ku Gibeya, kuno Saulo wikalanga, nu kufisya amazwi ku antu, yonsi kwene iyatandika ukulila nu kupoma.

1 Samueli 30:3

Lino Davidi na antu yakwe yafika ku musumba wa Zikilagi, iyazana ukuti umusumba ulya watiupya nga na ana yao aonsi na anaci kwene yatiyayalema nu kuyasenda.

1 Samueli 4:13

Lino wafika sile kuku, Eli ala wataikala pa cilimba cakwe umu mbali ya museo, akucevya pamulandu wakusakamikwa pa Mbokosi ya Upangano yakwe Leza. Lino umuntu wilya wasuka wingila mu musumba nu kulondolola vyonsi ivyativicitika, aikazi amu musumba ulya yonsi iyapomola impoma iyazakaza ku ntete.