1 Samueli 30:26 - Amazwi Yakwe Leza 2013

²⁶ Lino Davidi waswilile ku Zikilagi, watozile ivisampwe vimwi atumila auze ali ntunguluzi zyamu Yuda, alanda na mazwi yaa, ati, “Uo uli wila uno namutumila, uno napaatula pa visampwe vino naile impokolola ku anisi yakwe Yawe.”

1 Samueli 30:26 ပူးပေါင်းရင်းမြစ်များ

Utandiko 33:11

Napapata pokelela uwila wane uno natindeta kunuli. Mwene Leza wali nu luse kunondi nu kumpela vyonsi vino nkulonda.” Yakobo watwalilile ukumupapata mpaka lino Esau wazumile apokelela uwila.

2 Samueli 1:1

Pacisila ca mfwa yakwe Saulo, ali lino Davidi wawelulwike ku kucimvya aina Amaleke nu kwiza ikala ku Zikilagi pa manda yaili.

2 Yamwene 5:15

Naamani na antu yakwe ali pakuswilila kuli Elisya. Nga alino avwanga apaswe ati, “Icumi cumi lyene namanya ukuti pano nsi yonsi pataya Leza foo, suka sile wenga mpo uwa muno mpanga ya Izlaeli. Ali cino fwandi ule upokelele uwila uu uno ne muomvi wako napeela.”

Masamu 35:27

Yonsi yaya yano yali ni nsansa apamulandu wa ulungami wane, kayumile utupundu, yavwange nu kuti, “Yawe umukulu, akazangila apakusyuka kwa muzya wakwe.”

Masamu 68:18

Akwela na papelapela apasamuke, ala asenzile na azya yano yalemile. Ala akupokelela ivya mawila uku antu yauze kumwi na yacisanguka kwene. Fwandi papo kwene, apano Yawe amaikalanga amanda yonsi.

Ezaya 32:8

Lelo umuntu uwa mwenzo wa ufumacumi wene akapanga sile ukucita ivintu vya mpomvu. Nupya nu kukoma wakoma ndi, umu kucita ivilungame.

2 Kolinto 9:5

Acino nelenginye kuzya ina itu mu utailo kuti nkolelo iize kuno muli pakuti yangakwata kasita kakuteyanya kupoka impiya zino mwalavile. Lyene cilaloleka ukuti mukapela pano mukulondesya kupeela, lelo asi pamulandu wakupatikiziwa.

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 25:27

Musambazi, su ngala upokelele ivya wila vino nakuletela nu kuvipeela ku yaomvi yako.

1 Samueli 25:28

Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.

1 Samueli 30:20

Davidi apokolola imfwele ni mbuzi kumwi na maufyo ya ng'ombe kwene, nga antu yakwe iyavikumbilizya inkolelo ya viteekwa vyuze yala yakuti, “Vii, ivisampwe vyakwe Davidi.”

1 Samueli 30:25

Ukutandika pa wanda kwene ulya ukufika na pilelo kwene, Davidi wacita icintu cii ukuya isunde pakasi ka ina Izlaeli.